三日兩夜深圳之旅@華僑城

十月二十八日, 我們一家準時九點出發, 首先同加希去搭地鐵去九龍塘, 過左繁忙時間, 唔係太多人, 全程有位坐, 加希好耐無坐長程地鐵, 很留心每一個站的顏色. 今次選搭深西特快是因為可以直達酒店, 唔駛轉其他車. 第一次經西部通道北上, 真係又快又舒服. 不過mami唔知要攞齊行李過關, 結果要daddy過返香港再過多次關, 好在半小時一班車, 好快就等到下一班車, 去到目的地--城市客棧(新僑店)大約十二點.

之前在中旅訂了房, 看過網上的評語真係麻麻, 不過諗住瞓一晚, 乾淨企理便可以. 可能我地訂了豪華房, 感覺又唔差, 包埋自助早餐都唔駛四百元. 而且酒店周圍的綠化做得很好. 比世界之窗一帶清靜. 加希一入到房就跳上床話: 好舒服, 我好鐘意!! ... 下次再來呀!! 咁都放心D, 幾驚他唔慣在陌生地方過夜.

中午我們去了隔鄰藝術中心的九十二度餐廳用膳. 對面就是洲際酒店, 還看到世界之窗的景物. 很難得有一處咁舒適的地方, 食物有心思. 加希也很喜歡, 成日周圍走.

因為加希唔夠瞓會勁發脾氣, 所以第一天不打算去樂園玩, 給加希下午休息夠.

晚上, 我們坐一個站地鐵去益田假日廣場食飯, 加希很興奮呢! 其實入面的食肆選擇不多, 因為帶住加希, 唔方便食自助餐, 所以去左江南廚子. 想不到平日都滿坐. 加希吃了好多泡飯和魚, 小籠包很不錯, 皮薄多汁. 飯後果盤很精緻. 食物價錢OK. 之後去左Ole買西餅返酒店做宵夜.

十月二十九日, 早餐後我們又坐地鐵去世界之窗站, 平日的一早去歡樂谷, 真係唔多人. 在中旅買入場劵平少少. 但要在團體票務處先換票.  很多兒童的遊樂設施很合加希玩, 他很勇敢, 自己敢一個人坐兒童火車. 只是帶他去睇3D電影, 因為中途有水噴出來, 我很驚他會病, 立即攬住他, 他可能受驚, 喊了出來.

今次主要陪加希玩, 我和daddy都沒有玩刺激的機動遊戲. 玩了幾個鐘, 加希都攰啦, 吃了個快餐便坐的士入青青世界, 一上車, 加希就瞓著左. 二十分鐘左右就到達啦.