冬眠

旅行過後, 姐姐也放完大假回來, 一切回復正常.

近來習慣了吃過晚飯, 時間尚早的話, 會帶加希去商場行一陣. 前晚大風+氣溫急降, 加希著夠衫出去, 無事!! 但我就係咁打乞嗤, 晚上立即拿張羊毛被出來用. 半夜, 加希又要走過來同daddy, mami一齊瞓, (可能是上星期同mami瞓慣了!) 因加希皮膚乾燥, 要搽一輪cream方可入睡. 所以我在早上瞓返夠本.

這兩天因為傷風, 對眼好乾. 加上天氣清涼, 唔多想起床. 即使加希成朝好大聲講野. 我可以一日睡十二個鐘. 一向怕凍的我, 已開始冬眠了. 好在加希似daddy, 唔係咁怕凍.

待太陽出來, 便同加希同去曬下走下. 曬完太陽的加希面仔紅卜卜. 好耐都無見過.

P.S. 今日是加希入院一週年, 今早同加希去搭小巴過坑口行下, 不禁想起上年的今日在同樣的位置等車, 送加希入急症室. 一年了, 加希成長了不少, 希望今後加希可以過返正常小朋友的生活, 健康快樂地過每一天.