麥兜

新年既時候與友人去睇春田花花同學會，之前兩套我都係係屋企睇碟。不過我真係覺得麥兜既電影有意思，有D小王子feel，又再通俗D。其實真係認真睇麥兜既人可覺得會想喊多過想笑。菠蘿油王子其實講既係不同的人分別將自己放在過去.現在和未來。有人永遠追尋過去的自己不想往前看，有人只往遙遠虛無的將來打算不理會眼前的。結局是悲慘的，過去的永遠追不回，將來的也永遠太遠。大家都有自己的夢想，到頭來一場空。看的時候感覺自己就像代入了當中，看著菠蘿油王子在追，自己也在追。王子很蠢，也許是最蠢的王子，但我們其實也是很蠢的，只是我們不知道而已。至於活在現在的麥兜，則被多元智能教育所折磨，被迫學習撒賴.詐死等社會技倆，還弄了一堆補習班。既是對教育，也是對現實社會的一大諷刺。

而今次春田花花同學會，加左好多明星，不過我覺得純粹係附加值，詹sir除外。雖然故事好散，因為一人分飾幾角而故事性本身亦不是很強。故事內容亦不過是述說春田花花幼稚園的畢業生在社會上工作的情況。重點係佢諷刺現實既部分真係幾真實。係社會工作，大部份人都唔知自己做緊咩，一係日日開會就係吹水，一係就游魂唔知去邊度，一係就淨係負責夾住人。大家都帶個吉袋返工用來fing。真人版的分別只是更露骨一點揭開我們的面具而已。

當麥兜卡通係兒童片既人，大部份其實就係片中諷刺緊既人。

楝樑同葛其實都係差唔多，都係一碌既....社會究竟有幾多葛同幾多棟樑呢?

幼稚園同社會又有咩分別? 答案係幼稚園既時候大家會真心誠意去唱:

我們是未來的主人翁　我們是社會的棟樑
校長你好嗎　老師你好嗎　我們天天問候你

長大了，除了還「問候人」外，其他都忘了。