我係熱底

婆婆說：「嘩！我咳咗幾日啦，想囉d藥食吓，希望快d好番，如果唔係過兩日去睇演唱會果陣係咁咳，嘈生哂，就唔好啦！」。…

婆婆繼續說：「拿，快d幫我睇吓啦。我一向都係熱底架。」

我說：「唔好意思，我覺得你係寒咳，咁我開藥俾你，你會唔會食呀？如果你唔食我就唔開藥啦！」。

婆婆說：「食！你話我寒咳，咁我都要食藥架啦，嚟睇病都係想食藥快d好番啫，唔食藥點會好呀！… 不過，以前… 話我係熱底架！」。

我說：「你都識得話係以前啦，你以前係點我就唔知，不過目前你就係寒咳。」。

……

過了一會，婆婆問：「咁我煲咗西洋菜湯，飲唔飲得呀？」。

我說：「飲得。不過要加好多胡椒粉先得喎！係好多好多喎，唔係“審” 少少喎。知道嗎？」。

婆婆說：「知道啦。」。

過了幾天婆婆打電話來，說：「咳已經好了。睇演唱會無嘈生哂，都幾開心。」。