黐線武俠小說__劍王鬥劍聖‧ 卷二十三

黐線武俠 小說

劍王鬥劍聖

  李華川

   卷二十三              這個殺手太寂寞

         冬天黃昏嘅陽光照射喺無名村大街上   一抺斜陽後   日落更紅

       呢個時段係世界和平   江湖上冇乜爭鬥    冇戰爭   冇搶劫    冇

偷竊   冇人啪丸仔   冇交通意外   冇爭權奪利   冇獨裁   冇勾心鬥

角   嘩！有咁嘅地方   真係世界大同囉    不過   有一樣重存在   就係

高空擲物 嘅危險事故    搞到冇人敢出街   冇人出街消費    間間舖頭

拍烏蠅    縣令曾大權梗係頭痛啦   急急叫哎吔四大名捕嚟衙門開圓桌

會議   急謀對策    偏偏哎吔四大名捕遲遲未到    急到曾大權喺衙門大

堂打轉   見到哎吔四大名捕出現   就問佢哋去咗邊    佢哋話去打牌   重

打咗四十八圈    曾大權問    乜你哋冇嘢做咩    哎吔四大名捕話    依家太

平盛世    我哋巡捕有乜嘢做呀    曾大權話    咁你哋去查下高空擲物單案

睇下邊個咁變態

     於是晚上五個人就喺度挑燈開圓桌會議    傾下點樣刺激銷費同破案

     月黑風高寒冷夜    曾大權要帶頭刺激消費    諗到一法  就喺自己開嗰間     

四大才子畫廊旅舍做起    特請 一間客棧 嘅名厨 阿茂 過嚟表演整餅   當然

  阿茂整餅 已名震江湖   中秋節時大家已見識過   一間客棧老板算日先生當

然借人    借阿茂要一百両一日    曾大權話借五日   搞掂

     阿茂整餅 消息傳出   果然有效    村民都走出嚟消費   人人排隊買阿茂整

嘅餅    曾大權大賺一筆   刺激消費成功   帶旺無名鎮無名村

     吓！又話做官唔准自己做生意   雷曼事件就係一個教訓啦    不過    呢個

係唐代    唔係現代    乜都得啦   

     唐代有一段時間係太平盛世   好事頻頻來   醜事冇發生   乜嘢罪案都冇  

搞到啲殺手失業    冇嘢撈    太平盛世邊有人請殺手呢    所以有啲殺手洗手

不幹    有啲殺手悶到抽筋    個個都唱番首  無敵是最寂寞   嘅歌    有啲殺手

搵嘢做    搵鬼咩    和平時代    有人請咩    有！就係無名鎮縣令曾大權請殺手

      殺手今晚就到    曾大權命令所有衙役到村口列隊歡迎    今晚烏雲冇月   又

好大霧    深夜零時    有兩個黑衣人喺濃霧躍出    在村口出現    其中一個揸住

招牌    上面寫   小李派    曾大權上前     歡迎 小李派  兩位高手    閣下點稱呼

 一個話  我係 小李飛劍    另一個話   我係  小李飛腳    哎吔四大名捕忍唔住

問   咁  小李飛刀   係邊個    其中一個話係佢哋大師兄     曾大權請兩位先填

好個履歷表    曾大權一睇   吓   小學都未畢業    小李飛腳話    我哋讀書少

但本事大   曾大權問     你哋有乜本事   講嚟聽下

     講以前嘅威水史    烏鴉鎮出現好多壞人    做壞事不計其數    我哋睇唔過

眼   就有計劃將所有壞人殺哂    我哋被村民捧成大英雄    但又變成大罪犯

因為官府視我哋係殺人通緝犯   唯有一走了之    知道曾大人請殺手    咪嚟

見工囉     冇錯   我請你哋嚟    做導師   開殺手課程   以 小李   名譽開班

你哋每月嘅人工係咁咁咁   滿意啦     嘩    咁高人工   梗係滿意啦

      佢哋於是一拍即合    開班

       如是者又過咗八個月    殺手班成員畢業    曾大權就叫佢哋出去大開殺

戒    殺乜嘢    哦    原來係殺蚊   殺老鼠    殺害蟲    可惜蚊蟲太多    殺極都

殺唔哂     但係殺手班啲成員  就個個出哂名   名震江湖    佢哋嘅  小李派

名堂好多   例如小李飛標    小李飛眼   小李飛天   小李飛人   小李飛吻

小李飛花    小李飛斧   吓   一時間啲 飛乜飛物  名堂好多

      曾大權見搞殺手班搵到大錢    於是又搞個 殺手速成班   於是飛乜飛物

啲名堂多到離哂譜   

      兩位導師 小李飛腳 同  小李飛劍  見曾大權咁搞法   無非都係利用佢哋

啫    於是留下一紙   話去雲遊四海    係咁就失蹤咗    曾大權氣到暴跳如雷

   就通緝佢哋   

     小李飛腳 同 小李飛劍 知道   決定分道揚鑣   各自逃走   約定日後喺黃山

見面   兩人就各自過住啲寂寞嘅逃亡生活

      六個月後   小李飛劍先來到黃山    但唔見小李飛腳    等咗好耐    小李

飛腳冇嚟    在一個月夜   一和尚嚟到   搵小李飛劍    告之一個消息   話小

李飛腳 急病死咗

       孤獨寂寞嘅小李飛劍    每逢黑夜都好傷心    佢嘅寂寞同傷心   只有

漫長歲月相伴   只有月光同星星嚟安慰

      小李飛劍多在月圓之夜   都會唱番首  絕對空虛   嘅歌

      唉！  這個殺手太寂寞  了

                                                                                              ﹝待續﹞

                                                                                            2009.11.27.