劍王鬥劍聖‧卷十五

卷十五以 對話  來搞笑 和諷刺一番。                                          ﹝李華川圖像設計﹞

黐線武俠小說

劍王鬥劍聖

李華川

 

   卷十五    飛筆展墨碎財夢

 

天網山莊莊主 夜郎 看見兩個黑人走入主堂  大叫

夜郎     鬼呀

打手走哂出嚟   見到兩個由頭黑到落腳嘅人   全部圍哂上去

我地唔係鬼呀   我地係人嚟架     莊主

夜郎 望真啲問    係你地呀   點解搞到成身黑哂

一枝花     我同一枝竹 去到無名鎮    畀一班衙差狂追   咪走去森林囉

一枝竹      我哋喺森林入面玩下班衙差   點知有兩個怪人向我地潑墨

一枝花      嘩    成桶墨潑過嚟   我哋防不勝防   被佢潑到一口一面都係

夜郎      咁重唔快啲去沖涼

一枝花同一枝竹嗱嗱聲去沖涼    隔咗一陣    佢哋出番嚟

夜郎     你地沖完涼咩   點解重係咁黑嘅    落多啲皂液囉

一枝花      莊主    我用哂成支皂液啦

一枝竹     我用咗兩支皂液都洗唔甩

夜郎      咁呀   攞支  白威寶  試下    又可以攞支 青山綠水  試下

一枝花      白威寶  得唔得架   

夜郎       不如攞支  漂白水 試下    可以加啲  強力去污粉  咪得囉

一枝竹     莊主    如果漂白水都唔得呢

夜郎      用天拿水啦   實得架

一枝花 同 一枝竹 唯有再去沖涼   兩人喺沖涼房沖咗兩三個鐘

夜郎     你哋沖完涼咩    點解重係咁黑嘅

一枝竹     算啦     我擦到皮都甩啦

一枝花      嗰兩個死人怪人    畀我見到實報潑墨之仇

一枝竹      嗰兩個怪人都係揸住支毛筆   閃嚟閃去   成個隱者咁    睇唔清楚

                 佢地係咩人

夜郎       有咁嘅奇人    等我派人去偵查下呢兩個人咩來頭先

 

之後過咗十日   一枝花  同  一枝竹   身上啲墨自動甩哂

 

無名鎮縣令曾大權收到黑衣人封信    正想緊辦法    夜郎殺到嚟    講明係對

付江湖中人    去搵算日先生搞掂    佢想出門嘅時候    衙差報告

衙差     大人   無名鎮有兩個人搗亂    佢地周圍寫大字

曾大權     吓   周圍寫

衙差     係呀   空白嘅牆壁都畀佢哋寫滿

曾大權    係咪九龍皇帝  曾灶財 啲同黨呀

衙差     睇落唔似    曾灶財 啲字筆筆清楚    嗰兩個人啲字寫到鬼畫符咁

曾大權     咁佢哋寫咩字

衙差     唔知佢哋寫咩字   啲字龍飛鳳舞咁   睇唔明    佢哋周圍寫    好影

             響市容架

曾大權    咁同我拉佢哋番嚟    依家我親自做清潔隊長    叫 哎吔四大名捕

                去清洗所有牆壁

衙差     收到

 

但係有件事好奇怪   呢兩個周圍寫大字嘅人   功夫好高   輕功超卓    想捉

佢 哋   唔係咁容易     但係啲衙差好容易捉到佢哋     其實佢哋有心畀捉架  

問題係捉到佢哋    坐幾日牢    又放番出嚟     佢哋又周圍寫字    又再捉   捉

完又放    放咗再寫    又再捉   捉完放     係咁捉捉放放寫寫捉捉      總有成百

次咁多    曾大權冇哂計     唯有急急去請教 算日先生    算日先生係老江湖

   喺街度都睇過呢啲  狂草     就知道書法界高人   張旭 同  懷素   嚟咗   呢

兩個人好鍾意玩嘢    依家咪玩緊曾大權囉      捉咗番去又要畀飯佢地食

 

算日先生     曾縣令   聽你咁講   你捉到嘅係兩個當今藝術家   佢地鍾意周圍

                     塗鴉    係行動藝術家嚟架

曾大權      嘩   佢地周圍寫字噃

算日先生     咁你點處理啲字呀

曾大權       抹哂

算日先生     吓   佢地啲字好值錢架    一個字值千金架     佢地再寫就唔好

                     抹啦    你發咗達都唔知    走寶啦

曾大權       係咩     佢兩個畀我捉咗   依家坐緊牢   

算日先生        咁你要放佢地出嚟    因為佢地鍾意喺出便寫    記住    唔好再

                        捉佢地啦

曾大權      咁我要佈置好先

 

 曾 大權吩咐手下搵人喺  衙門門口附近築一幅大牆     重喺無名鎮各街頭

巷尾築大大小小嘅牆    重聲 明呢啲牆係官府所有    部署好哂    就放  張旭

同  懷素 出嚟  

曾大權     哈哈   兩位    你地自由啦    得閒番嚟食飯啦

 

張旭同懷素一出衙門    嘩    見到周圍都係牆    手痕痕又去寫大字    只見兩

人攞住支毛筆喺塊牆前飛嚟飛去    一時間筆墨橫飛     一陣間就寫咗  花  同

竹  兩個字    

曾大權大喜     心諗    原來二千両咁容易賺    眼見錢快到手    突然    見到

兩個書法家攞起支鐵枝敲敲打打幅牆啲字   啲字變得唔完整    重攞把鋤嚟

鋤碎啲字    

曾大權嚇咗一跳    兩個書法家話唔滿意啲字    講完用輕功飛走咗    曾大權

見財化水    谷氣

 

人稱   顛張醉素   嘅  張旭    懷素    飲咗酒先至嚟料架   曾大權孤寒

  酒都唔請佢哋飲    曾大權貪財    又被兩個高人識穿   梗係玩下呢個縣令啦

 

曾大權    張旭   懷素    同埋  算日先生  嘅 一間客棧     都一一畀 夜郎

派嚟嘅手下偵查到

   睇嚟江湖將有一場大風暴

 

                                                                                               ﹝待續﹞

   

     

作者的話：  另有小品文  談文說藝 ,論盡人生，請登入下面網址：

                           http://wahchuan51.blogspot.com/