黐線武俠小說__劍王鬥劍聖‧ 卷二十一

黐線武俠小說

劍王鬥劍聖

李華川

 

     卷二十一          唐伯虎點蚊香

 

     上回講到一代棋怪嚟到無名村   拋起一陣棋藝風氣   之前

又拋起一陣書法藝術風氣   縣令曾大權當然唔放過呢啲自我

宣傳嘅機會啦   講咩話無名村係藝術村   又話自己係提倡藝術

嘅先驅咁   嘩！有冇搞錯   佢又話無名村重勁過西九  

      好啦    曾大權嘅施政報告出咗   今次唔派糖   而係派定心丸

 所謂六大產業   其中一項同藝術有關   人哋西九啫   曾大權又

搞個東九出嚟    就喺無名村東面小角命名藝術角，所有店舖個名

都要改到與藝術有關    如 書畫酒家   印章雜貨店   古曲 澡堂  棋

人快餐店   四大才子畫廊旅舍   詩詞飯店等等

        曾大權今日宣佈   話有重要消息    重請咗兩大名報記者嚟採訪

   大家問   邊兩大名報    曾大權話    就係   惡有惡報  同   應有此報

    曾大權宣佈   四大才子畫廊旅舍今日開張    請咗吳中四大才子嚟

剪綵

 

      天水圍班街坊噓聲四起   有冇搞錯    吳中四才子係明代人   點會

嚟到唐代    黐線   講古佬海無涯話    咩呀   呢個係 黐線武俠小說 嚟

架   乜都有可能啦  

 

      四大才子畫廊旅舍就快開張    曾大權親自打點一切    吓   點解四大才

子重未嚟到    要等佢哋剪綵架    哎吔四大名捕話   如果佢哋唔出現   就等

我哋四個頂住先    曾大權聽到    笑到咔咔聲    乜你四個似才子咩   唔該攞

盆坑渠水照下自己個衰樣啦    重唔快啲出去搵四大才子

      哎吔四大名捕攞起腰刀出去     曾大權大聲叫停 話    喂    你哋搞乜嘢

我叫你哋請四大才子番嚟    個個攞哂架生    去打交呀     哎吔四大名捕話

    係去保護四大才子啫

 

       吳中四大才子 唐伯虎   徐禎卿  文徵明同埋祝允明   四人其實一早嚟咗

  哎吔四大名捕嚟到 書畫酒家   只係見到三個   唔見唐伯虎   問三個才子  

徐禎卿話   唐伯虎去咗追秋香   祝允明話   秋香都嚟咗     佢哋一邊講一邊拍

蚊   文徵明話   嘩   乜無名村咁鬼多蚊架   

      徐禎卿叫酒家老板點酒菜    老板話   嚟 書畫酒家 食嘢   要過一關   吓  食

嘢都要過關    老板話  好易啫   三位各讀出一句詩或詞出嚟就得啦    三個才子

一聽   哈哈   讀一句詩詞   好易啫   徐禎卿話   等我讀先

 

        我從不肯放棄一張紙

         總是留著   留著

 

     老板一聽    唔明    嘩   大佬    呢句係乜詩   

     祝允明同文徵明都話唔明

      吓   乜你哋咁 OUT  架    呢首係冰心嘅詩作  紙船   其中兩句    意思係

叫我哋環保    唔好浪費紙張

       祝允明同文徵明張大雙眼話    吓   咁都得    唔係咁解 啩

       老板話   呢句新過頭    讀句唐詩嚟聽下

        祝允明吟咗兩句杜甫詩 

 

         舍南舍北皆春水

         但見群鷗日日來

 

      得啦    呢次似樣啲    重有文徵明   你讀兩句聽下

      文徵明想下   嘩   有意思   呢間酒家食嘢要先吟詩   真係

 

         前不見古人

         後不見來者

 

       老板佩服   果然係才子    問文徵明   呢兩句有乜寓意

        文徵明話     即係呢度蚊多     醫療失誤又多      

       呢啲小兒科啦   徐禎卿話    寫詩畫畫係我哋本行

 

       哎吔四大名捕見識過三人嘅本事    唔知唐伯虎又點呢    依家佢喺

邊度    有人報料   話唐伯虎依家喺觀音廟嗰度   哎吔四大名捕同埋三個

才子立即去觀音廟睇下咩環境

 

       佢哋一路行   睇到街上好多人拍蚊同捉蚊    哎吔四大名捕話   我哋

呢個無名村出名蚊多   所以到呢個時候    就會舉行全村捉蚊比賽

 

       講番唐伯虎因為追秋香    追到觀音廟    原來秋香嚟呢度求神    唐伯虎

梗係跟住啦    問秋香

      秋香姐   拜神呀   真係神心啦   真係拜得________嘩    咁多蚊架     阿四

   同我買啲蚊香番嚟

 

      冇耐    阿四買咗一盒蚊香番嚟    一連點咗十餅    蚊香冇乜煙   完全冇效

飛嚟嘅蚊比之前重多     唐伯虎被蚊叮到頂唔順    再叫阿四去買啲又多煙又

勁嘅蚊香番嚟    唐伯虎猛咁拍蚊     秋香一笑    呢個係傻佬

 

       阿四又買咗一盒又多煙又勁嘅蚊香番嚟     唐伯虎一次點著十餅蚊香

吓    有啲效喎    啲煙開始慢慢多    味道又濃    蚊又開始少咗

      唐伯虎又再問秋香

      秋香姐   拜神呀    真係神心啦     真係拜得________嘩   咁大煙架

啲煙多到離哂譜     秋香姐     你喺邊度呀    我睇你唔到呀    阿四    攞

把扇嚟撥走哂啲煙 

          話口未完    有人成桶水潑過嚟   搞到唐伯虎成個落湯雞咁

           等啲煙散咗啲    秋香睇見唐伯虎成身濕哂    引唔住發出第二笑     呢

個真係傻佬

 

        唐伯虎問     頭先邊個向我潑水    解簽佬話    佢見到咁大煙    以為火燭

咪攞桶水潑過嚟囉

       唐伯虎一睇   嘩   連所有蚊香都潑濕哂

 

       呢個時候     哎吔四大名捕 同埋三個才子搵到嚟   睇到唐伯虎成隻落水

狗咁    個個都忍唔住笑起嚟    哎吔四大名捕急急話    唐才子快啲換衫    等

你返去剪綵呀

      佢哋幾個挾住唐伯虎拖拖拉拉離開觀音廟返去 四大才子畫廊旅舍  剪 

綵

      重喺觀音廟嘅秋香   諗起唐伯虎傻得嚟又幾可愛    忍唔住又笑起嚟    呢

個就係唐伯虎與秋香嘅 三笑姻緣    故事啦

       喺天水圍公園   海無涯隻古仔講到呢度     成班街坊都話    

             黐線

                                               2009.10.16.

     

           _____________________________________________________________    

 

 提倡小小說創作      

預告：

        10月20日    葉子   小小說   〈如暴的雨〉

          10月23日   秀實  小小說     〈鏡子〉

          10月26日   藍宇 小小說     〈可以做我的模特兒嗎？〉

          10月29日   劉伶  小小說  〈 我心中的：背影〉