網誌分類：晴.裕 事 |
從婆婆家食完飯回家路上, 家裕又同媽媽傾偈仔喇:
家裕: 媽咪,我覺得你好叻.
媽咪: 點叻呀?
家裕: 總之就好叻啦!
媽咪: 我知喇! 最叻就係生咗你同家姐囉
家裕: 唔係呀!
媽咪: 
家裕: 係你平時教我同家姐讀書,寫字,又煮飯煲湯
媽咪: 傻豬,個個媽咪都係一樣咁做
家裕: 你重教我哋讀書就讀書,返學唔好理人哋嘅嘢,俾D心機留心D喎,還有一D做人
嘅道理
媽咪: 嘩!原來媽咪咁好,你大個仔都要好似媽咪咁教你D仔女喎,知嗎?
家裕:(點點頭)
後話: 其實家晴同家裕都教咗媽咪好多知識,就係因為有你2個,媽咪先可以勇敢去面 對每一個難關,多謝2個寶貝仔女
