我的心情 ~ 立行返學

第一天陪住立行返學 ~ 在學校時立行只對車及書有興趣, 與在家無分別, 返了2個多小時, 食過午餐就午睡, 睡了4個小時, 但醒了仍然很攰, 令我想返學是否對立行係好呢?

第二天陪立行返學 ~ 同樣的, 立行最愛的也是車及書, 而看書時必定要我講比佢聽, 但在學校, 就算有看書時間, 都無可能一對一的講書比立行聽....令我對返學好矛盾, 我哩個心情比有經驗的主任看出了! 在放學時, 主任問我是否有什麼問題, 我就將諗法及心情講比佢知, 我仲一路講一路喊..., 最後, 佢為我祈禱交給耶穌, 亦對我講我可以當家長義工, 一路陪立行上學到我感覺好為止, 我好感激主任的體諒!

第三天陪立行上學 ~ 相信因為昨天同主任的分享, 今天我的心情也好過了很多, 而且, 今天立行可以在學校食午餐, 午餐時立行食晒所有食物, 而且, 老師亦教佢地自己收拾, 對自理能力有很大幫助的, 感覺好了不少!

第2個星期陪立行上學 ~ 在這個星期立行每天都話唔想返學, 而在學校立行都只係玩車同睇書, 而我發現立行在我同佢一齊看書時可以吸收得很好, 令我每天陪立行返學心情也很複雜.....

第3個星期 ~ 由於, 星期六開始立行病了, 流鼻涕及咳, 所以, 無返學, 加上數天後收到學校通知, 同班有5個同學有豬流感, 所以, 之後, 都無返學!

其實, 我不斷在想返唔返學好哩個問題上打轉, 須然老公支持退學, 但返學的確有好處, 不過, 對立行是否適合, 如果, 今年唔返會否......, 有人支持繼續亦有人支持退學...要決定實在好有壓力! 唯有祈禱祈禱再祈禱!

最後, 都決定了退學!

我會好好珍惜最後一年可以全時間同立行一齊嘅時間!