坐食物監的早餐+素食品推介

坐食物監指定的早餐是兩片煙肉+兩隻任何煮法的雞蛋。起初就貪方便，常常烚蛋烚煙肉吃，當然吃烚煙肉有點怪怪，後來改了用煎的方式，較香口好味。而烚蛋，起初很難掌握烚半生熟蛋，很多時也會烚到全熟，或者大半都是生。

偶而有一天在網絡上看到別人的blog，有教烚蛋烚到變溏心蛋，第日就即刻試試效果。果然，真係得架，試左兩次都係成功，仲係超靚仔，大家睇下相就知隻蛋係點溏心法。

↑蛋白同蛋黃可以完全分離而不會破損，好蛋！

↑看到嗎？外層熟左少少既蛋黃包住既蛋汁已破皮而出啦！而蛋白仲係有少少未熟，滑溜溜既感覺。

其實做法好簡單，只係以室溫水喉水和蛋一起開始烚九分半鐘（我就會載水蓋過隻蛋）便可以有這美味的溏心蛋了！〔忘了是在那個blog看到這製法，但在此說聲謝謝！讓我可以和愛吃溏心蛋的朋友分享〕

今天都是吃蛋，但突然想食煙肉奄列，所以就試試能否成功（因為我之前炒的蛋都會炒到好碎，所以整奄列就．．．很有可能失敗）。因為只能吃兩片煙肉，所以奄列所包著的煙肉是極之少，哈哈！這次的炒蛋算是成功了，賣相也算係咁啦！

↑仲有少少蛋白汁未熟得晒

========================================================

近日在佳寶凍肉超市發現一款新的素食品，看到包裝很吸引，就買來試試。

兩隻款式用煎的方式比較好吃，但估佢唔到d口感好味到“嘩！”一聲。尤其是香雞排，煎香後就好似食緊煎雞塊，脆脆的，很可口。想像到素食者買了來吃，可以煎香後夾漢堡包，內加少少酸瓜沙律醬，變成素雞排漢堡，一級棒啦！

而鮮嫩雞丁煎香後又是脆脆香香，不錯！這款我還試過用烚的方式吃，雖然沒煎那麼好吃，但也算不錯了！

價錢：$14.8/包
售賣地點：佳寶凍肉超級市場
抵食度：
推介度：