3D超級零零狗

星期二去了康怡睇了3D超級零零狗，因當天全天都是優惠價，所以就連3D電影亦便宜許多，才65元！

至於講到座位，當然不及數碼港、The Grand、APM、IFC正啦，幸好選既位已經比前排高出很多，未至於前邊觀眾的人頭阻著我既視線。那幅3D超，入到去就即刻要用紙巾係咁抹，因為超多手指模呀，抹完後再用濕紙巾抹個框，因為我始終覺得呢間野既職員係唔會理d眼鏡，污糟都由得佢。相反上次去The Grand度睇，有個叔叔專責嚮度抹眼鏡，抹完後仲一幅幅排好嚮個架度比第二輪既觀眾戴。但係呢度就咁嚮個蘿度拎，用完又放返落個蘿度.......衛生程度，我咁既輕量潔僻怪真係頂唔順......

講返呢套卡通，個故事都唔算好特別，講述一隻由細到大都活在電影角色裡既狗，以為自己真係擁有超人能力（因為電影內是如此），後來一出了影城，就開始發現自己的超人能力是虛假的。途中與一貓及一倉鼠成了朋友，在牠們的協助下返回影城找回主人珮珮。雖然零零狗沒有超人能力，但在影城失火期間，牠勇敢地走進火災現場營救珮珮，最後還使出一招“零零狗吼功”，成功將他們被困的位置告訴消防員，珮珮以及零零狗最後獲救，並退出影壇，過回普通人及普通狗的生活，而與零零狗一起的無間道貓貓及倉鼠犀牛也被珮珮收養了！大團圓結局！

本人覺得零零狗Baby時真的比較可愛，無間道貓貓個格又真係幾抵死、好笑。片子感覺有點暗，雖是3D，但不像《地心探險記》那般3D，因為《地》的3D直頭是跳了出來，有時搞到自己都會以為真係彈左d野出黎，要縮一下個頭，移一移位，哈！！！！

小朋友應該會仲意睇既！

↑你睇隻黑貓幾型仔～佢就係無間道貓貓啦！