下雨天的假期

難得的一天假期，又落雨，唉…
成日係咁落喎，頂！
真係打風唔成3日雨！
原本打算跑步，冇乜mood，
驚跑跑吓變咗隻落湯雞，
比雨淋一淋，一陣間感親重大鬼穫，
咪喇，都係在家千日好啦！

唯有喺屋企做吓家務抹下野洗下野咁啦，
其實，都幾鐘意做呢樣野，
感覺有助減壓，亦慳唔少呢！
不過，就比朋友話我玩自閉，
hehe…一陣間姐…唔好咁樣話我啦！
每抹完一處地方都會感覺好乾淨，
更把平時工作上遇上的不快事情
好像眼前的塵埃一樣通通給我抹走，
舒服晒！
每次都幾珍惜呢一陣間既私人空間，
Enjoy~ Enjoy ~
呢張相就係今日下午出去街巿買餸等緊車時用手機拍的，
唉！水靜河飛！
灰灰的天…落雨落到條街都冇乜人羅…