珞珞，真乖！(三)

2009年11月9日

喉嚨持續唔舒服，咳咳咳！！

珞珞見我係櫃底揾返瓶honey出嚟滋潤個喉嚨補補身，

因此呢幾日珞珞都不斷提醒我記著要飲蜜糖。

今晚我放學返屋企後，用左把喉沙沙既聲音同珞珞講完bed time story後，

珞珞又提我：你飲左蜜糖味呀？

我：得啦！我大個自己識攪點，你瞓左我就冲嚟飲啦~~

到珞珞真係瞓左，到我記得冲蜜糖時都成晚上12點。

但一直放係枱面既蜜糖卻不翼而飛??

Why??Why??

去左邊呢??

平時個工人係唔會收埋我放係枱面既野食，

但係我真係揾極都揾唔到，唔通婆婆攞左？

但婆婆要就一定會問過我，夠竟瓶蜜糖去左邊？

最後都係開過瓶新就算數。

2009年11月10日

珞爸放工返來，問珞爸有問見過瓶蜜糖，佢當然say No~~

問工人姐姐，答案一樣。

夠竟發生乜野事??

到我下午準備返工放飯盒入平時用來帶返工既環保袋時，

瓶蜜糖竟然比我係袋入面尋回。

件事好明顯，惡作劇一定由珞珞引起，

不過我完全無責怪佢，而且感覺心甜，

因為我知珞珞用意何在~~

珞珞，妳真係好乖女，媽媽錫晒你！