投票日

今日是立法會投票日，第一次在港島區投票（上次補選唔計），

選舉前，日日收到一大埋宣傳單張，

彩色印製，又靚又精美，印刷公司最先發財，

電視廣告，報紙廣告，地鐵登箱廣告，的士廣告，小巴廣告，

最緊要做到毛孔不入，洗腦式記住佢地個號碼，

候選人的政綱已經唔重要啦，

班議員講一套，做一套，

為了張選票，個個都滿口仁義道德架，

選左入去，咪又是自己同黨利益行先，

之前講過會做的，早就唔記得哂啦

睇倒呢班平時扮哂野的議員，

又唱歌，又跳舞，奇招盡出，真是好好笑，

那些選舉論壇，個個好似潑婦罵街咁，

有你講冇人講，一味靠大聲，睇見都搖哂頭，

選你地入去，咪日日好似家好月圓咁鬧足四年?

你幾時見希拉里同奧巴馬會咁呀，

是香港班九流議員先會咁貽笑大方，

不過，議員呢份工咁好，邊個唔想做，

人工高，福利好，又叫做有銜頭，一做就四年，

唔怪得民主派班大佬個個死都唔退，

班後生又次次都要選，鬼打鬼，狗咬狗骨，

作為選民，我都是想選過正正經做事的，

但是呢個年頭，真真正正做事的十隻手指數得哂啦，

個個都是靠政黨，講背景，仲邊有單打獨鬥，

選舉出到地鐵廣告，紅隊廣告，Road Show ，

都未計印海報，單張，計下計下真是天文數字，

想單打獨鬥，分分鐘保證金都俾人沒收埋