SPCA Family Wag "N" Walk

上年天氣又熱，狗又多，都冇諗過再黎行，

可能大會都知上年太熱，今年提早左成個月舉行，

地點仲要係迪士尼，雖然係外圍，都黎行下囉，

其實狗狗去邊都唔識架啦，都係滿足下主人的慾望，

天氣一樣係天陰陰，仲有微雨添，好彩唔算大，

但就好涼快，好舒服，啱哂狗狗行，

晨咁早，六點幾就要起身，七點出門口，

八點三左右就去到目的地，真係話都冇咁快

係停車場集合，地方大過舊年，有成千三隻狗，都唔算太擠迫，

仲有個大沙地俾狗狗盡情咁跑，正呀，

又有地方俾主人同狗狗休息，啱哂我，

由於係迪士尼，所以佢地擺左個銷售站賣下食物，飲品，

佢地有錢賺，我地行完又唔駛驚冇野食，冇野飲，大家好囉

等左成個鐘都未出發，當然要抖下先啦

今日仲見到好多狗狗添，有泰臣同花生糖，

仲有大病初愈既阪阪，個身好瘦呀，但把聲好雄壯喎

牛奶忌廉兩兄妹，牛奶好大隻喎，

仲有娃娃添，幾乖坐係媽媽身邊，

等左成粒鐘終於出發囉，奀仔咁鬼矮，只係望到前面咁多對腳，唔知驚唔驚呢

沿途好多工作人員提我地唔好過界，我明既，

冇野係必然，迪士尼肯俾我地黎已經好好啦，當然要守下規矩，

唔好俾人一個壞印像，狗狗同主人肯自律，第日可以去既地方實會仲多

黎到迪士尼啦，影番張相先

俾下面望下鏡頭啦奀仔

下次見? 希望有機會再黎迪士尼啦

冇諗過會俾我地行到黎水池，當然又要紀念下

奀仔係肥，但係唔鍾意人抱，行個幾兩個鐘都冇唔會Say No，

黎到迪士尼喎，奀仔都唔執輸要放低幾兩做個紀念

迪士尼有兩間酒店，入就冇份，外邊行下，望梅止渴囉

呢隻聖班納都頂唔順囉

四圍都係米奇老鼠

行左兩個鐘，番到終點囉，迪士尼再見啦

今天的安排比上年好得多，沿途都有水俾奀仔飲，

記得上年，個個水站都係吉架，唔係自己有水，真係死人都似，

希望下年又可以去其他狗狗平時冇機會去既地方啦