新年快樂 身體健康 萬事如意

數數手指，冇更新成三個月，

每到年尾都特別多野做，番到屋企攰到唔想郁，

唔知是咪俾人落左咒，厘幾年，每到年尾都會病一次，

今年都唔例外，病左成個月有多，

諗住病好左，出去外邊行下，點知又PK 喎，

手同腳都跌到傷哂，日日都跛下跛下咁行，

每次坐底，膝頭個傷口就痛到入心，

明天出門都仲未好，仲要我坐係機倉九個鐘，點算？

大人唔生性，奀仔都一樣，

由十一月開始食醫生糧，十二月時驗左一次尿，結果好左，

點知年廿七再去驗，就驗到有晶石同血喎，

年廿八又要帶埋奀仔再驗一次，醫生話佢應該膀胱有菌，

今次要直接由膀胱抽尿驗，仲要照超聲波確定膀胱同腎都冇石，

好彩個傻仔俾枝針拮入去膀胱時冇咩叫，又冇掙扎，我見到都驚佢痛，

最痛佢唔叫，俾人剃毛，照超聲波同查藥膏就大叫，姑娘話佢扮哂野，

結果要下星期先知，因為唔知咩菌，所以醫生唔知開邊隻藥，

醫生知我地出門，所以俾定一種藥，星期三就要打去問，睇下駛唔駛去換藥，

我地住香港，要朋友的父母走過去九龍換藥真係唔好意思，

希望開定的藥啱用啦，

奀仔二月一號年初七就滿兩歲了，人日生日，理應可以同我一齊慶祝，

可惜我要二號朝早先番到，希望可以買到禮物俾佢補番數啦，

時間過得真係快，咁快就兩年，

希望你以後的每一日都健健康康，開開心心，

唔好再肥落去啦，我知你肚餓，太肥老左隻腳仔行唔郁會好慘架