網誌分類：寵物情緣 |
圖片
網誌日期：2008-09-27 11:04
收到傳單，附近開左間賣寵物野的店舖，
一早食完早餐，就行去睇下
wnp.com.hk
晨咁早，得我兩個人，四圍行，
個店員仲問我地想搵咩，仲帶我地四圍睇，
店都算幾大，可能開係工業中心，租平卦，
但有冇咁多人山長水遠入黎幫襯呢?
店外有個小花園，可以俾狗狗去玩
原來仲有得沖涼，咁奀仔咪可以唔坐車都有涼沖囉
逢星期日仲有小狗領養服務，睇黎間舖都是開俾鬼佬啦，
總覺得，外國人對收養狗狗的品種冇中國人咁多要求，
做生意都不忘社會責任，是幾難得既
見奀仔枝沖涼液用完，就買枝幫襯下，
個店員仲送左兩包減肥糧的樣本我試，
一直都想同奀仔減磅，食過冇事，就幫佢轉糧試下
