久違的感覺

個多月前，發覺不能登入自己的戶口，

諗黎諗去都唔知點解，收唔到信，又更新唔到Blog，

跟住寫去香港同台灣的Yahoo 查詢，

台灣的Yahoo 話我的戶口被人盜用左去拍賣場賣波鞋，

由於佢地覺得可疑，即時停止哂所有拍賣，仲將戶口凍結一個月，

佢地只是叫我確認有冇賣過，冇叫我俾張貼費，

仲建議我報警，人在香港，點報呀？

聽就聽得多，原來真是會有人偷戶口賣野呃錢，

科技越進步，網上陷阱越多，真是要小心

諗住開個第二個Blog寫就算，寫左幾篇，總是唔捨得，

等到尋晚，有新的密碼可以再登入了，一天光哂，

失去過，我會更珍惜