神功弟子(四)

最近又有的新想法，雖然唔知岩唔岩，但我都寫出來同大家分享下....之前寫過學神功可用作防身保命、除邪斬煞、或有機會更可幫助有須要既人，雖然我地學法既過程當中會學到呢的法門，但如果學法只須要學識的法門，學得識用得到就係既，豈不是有資質、有緣份或後天肯努力既人都學得好叻？

每一個正教的神都會保祐自己的信徒，可以幫助有須要的人。曾看一套電影男主角既拜關二哥，但又係耶穌的信徒，佢話「關二哥教我地做人要有義氣，耶穌教我地要識得愛身邊既人。」加入一個教派真正要學的，唔單只係法門上既野，更應該係德行，又可以話係學做人。神功弟子都應該常聽到忠心義氣、不敢忘恩等字句，老師公傳下有的咒、章中都有提及。其實呢的都係一的做人最基本的道理，要有義氣，要知恩。而每個弟子都有不同既資質，有的叻既可能講兩句就明，有的蠢既真係學極都唔識，所以我覺得作為神功弟子法門上既野學得叻唔叻唔係最重要，盡左力去學就可以了，最重要的是「習老師公的德行」，呢句說話係我學神功的呢一段短時間裡都聽過數以千次。

每人的領悟力、資質、緣份都不同，都唔係話努力就一定學得到。呢一點係學法的過程中其實都會看得到，例如過教，點解一個係人都覺得學得好叻既人會過唔到教，反而一個乜都唔識的人得到既比較多？既然學得幾多都有定啦，反正一定有人叻一定有人無咁叻，所以我覺得學得叻定唔叻唔係最重要，最重要係個心。有的人就算發過誓都可以唔理、可以反口，所謂「口講無憑」，講得出做唔到又有意思？發誓係要個心去講，唔係用把口，用個口講係無用的。雖然學神功可以頂刀頂槍、收邪斬煞、救人治病等等，咁點解要做呢的事？點解要救人？好多人都覺得，做好事係為左積德，幫到人可以積德，但如果係為左積德先救人幫人，即是並唔係出自真心啦！唔係真心、係為左自己利益既，又點會積到德呢？年中都唔知幾多有錢佬為左沽名釣譽捐幾百萬出黎啦，如果唔係有得上電視有人幫佢賣廣告，佢會捐錢咩？再講積德都有好多方法，唔一定要用神功學到既野黎積姐，咁學神功既意義係咩？不過其實做弟子的點都各有所求架喇，基本個個學神功都想全家平平安安。人始終都有欲望既，不過想家人平安、想子孫好呢的想法都係出自真心為人地，唔係只係為左自己，有孝心、有親情都係一的好既欲望。

所以我覺得學神功，最重要的並非法門上野，係講真心，係要學到師公的德行。唔係清楚明白、理解到係點樣識得跟住做就可以，識得做但個心唔係咁諗又有咩意義呢？學法好多野都是講心的，唔係用眼去睇、唔係用個口去講，你個心係唔係對著師公，佢一定睇得到。做每樣野都要出自真心，為左利益而幫人，可能你會覺得唔抵，但真心去幫人你會覺得開心。

雖然以上講的都只係我自己的想法，可能學神功根本就唔係咁，只係我想多左。不過做每樣野都要拿個心出來係真的，希望大家學神功或做其他事、對人對物都好，要拿個心出黎。

(以上全屬個人見解，如有令你不快，請見諒!!)