忘記......

過去，曾深深愛過的一個人...

每做一件事都可以勾起我既喜怒哀樂、不曾想過要對他放手、放工之後仲專程到他家附近留連，目的只為見他多一面......

分手既時候喊到眼腫面腫都仲只係識得望住個電話等佢打黎......

失戀後,我地就會問:

"我怎樣可以忘記他? 我很想忘記他, 但我冇辦法忘記他."

但其實我地真係想忘記佢，定係只係想忘因佢而起既痛?

點解要痛苦咁去忘記一個人? 甚至反而想記住佢對你既好...

時間自然會讓你忘記他

而家, 我請你千奇唔好諗想著一隻粉紅色既大笨象!

請問, 你諗到的是甚麼??

你立刻就諗到一隻粉紅色既大笨象啦.

呢個就係一個好好既比喻啦!!

你越係努力想去忘記, 你越係無法忘記!!

有一天, 你會忘記他的,

真正的忘記, 是不需要努力的....

今日...諗返...佢以前個樣都唔記得，佢把聲?佢以前同我講過既甜言蜜語?我統統都唔記得......

時間真係可以沖淡一切!即使以前點樣深愛過既，發誓一生一世唔會忘記佢，到頭來，甚至連幾時開始忘記都已經想不起來了!!

人係善忘的......

有一日, 你聽聽吓歌, 你會忽然諗起,

你曾經愛過一個人, 哈....... 原來你愛過呢個人, 那彷彿是很遙遠的事,

你已經一D感覺都冇啦, 咁就係忘記!

有一日，當人地傾傾下既時候提起佢, 你先醒起, 你曾經愛過呢個人,

而家已經唔記得了,咁就係忘記.....

如果有一日，當你發現自己係不知不覺間，將過去最苦既時間遺忘了，那，就意味住你而家係最幸福的時候了......