涼粉B 1歲 @ 湖康健康院打針針

05/11/2009

今日1歲零1日

又係要去健康院見姑娘既時間..

今日都係婆婆和媽媽帶涼粉B去

今日大個仔了.. 著一年底衫, 加條片片去磅

今日磅磅豬: 9.82KGS

都唔知點解無度高喎~

自6個月見完到依家.相隔半年了~~~

今日見的姑娘竟然係由出世到6個月大時.負責磅重既徐姑娘! 今次竟然係由佢接見..

細細個時. 徐姑娘已經好留意佢.. (可能涼粉得佢歡心喇).. 佢好緊張涼粉B既聽力和濕疹架~今次見到面.. 由之前叫涼粉做小豬.. 依家已叫佢大豬喇~因為姑娘都覺得佢大舊咗好多..

涼粉每次都係咁.. 出街一定扮哂合作.扮哂乖架! 坐係媽媽腳脾上.. 但手和眼都不停留在姑娘檯面既文件上.. 勁想攪.. 問完佢食量 (早晚奶260ML, 中午和晚餐各碗半飯) 之後CHECK 佢手仔既小肌肉發展.. 俾一粒星星餅放係媽媽手上. 睇涼粉B有咩反應... 當然涼粉B係9秒9自己用2隻手指仔. 拎起.. ..然後左手交右手. 右手交左手... 這刻..媽媽怕DIRTY..叫佢快D放入口.. 點知姑娘就話..唔好阻止佢.. 就係要睇佢反應.. 涼粉交完手之後. 放入口吃掉了~ 媽媽心諗. 當然識喇!! 一來食野喎! 無野難到佢.. 二來. 係屋企媽媽都有俾星星餅(仲細粒過姑娘俾的) 完全無難度姑娘說這樣好..手眼協調很好..涼粉B食到粒餅. 仲會自己拍手好野.. (因為平時有野食都會咁)..姑娘又一見到涼粉B識拍手..真係OK喎!

之後姑娘問佢平時有咩玩具玩.. 媽: 車. 波. 疊起既玩具. 電話.....

姑娘問.佢會講嗎? 媽說:會..見車,會講車車.. THOMAS 會講SSSS.. 波,會講波.......米妮會講妮..爸爸媽媽都會..但好多時反轉講...MUM,包,餅一早都識...還有很多..

之後問涼粉B平時點樣玩車...

我即是拿出THOMAS車仔出來... 涼粉B即時緊張地講: SSSSS.. 之後就是拿著車車推前推後.

姑娘提點..叫我係時候買學習杯給涼粉飲水.. 我話..佢10個月大已經用緊架喇!! 但係始終都唔多LIKE飲水... 姑娘就教我地..大人也要係BB面前多飲水.. 因佢地會有樣學樣. 一起飲始終開心過自斟自飲囉~

姑娘又問依家訓覺程況..涼粉B自10個月大開始. 玩到攰會叫人抱佢入房上床仔,啜奶咀自己訓著架喇! 多數係屋企就好準時.. 上午8點起身.. 吃完早餐奶.. 玩到10點就要訓..可以自己訓到點幾2點先起身吃飯... 之後落街散步.. 3點-4點期間又想訓.. 最勁可以訓到7點, 爸爸返到0黎先起身吃飯架.... 9點就又眼訓..我地就同佢沖涼奶睡前奶.10點半左右就訓著了!

基本上係醒起活動足2小時又要叉叉電...

姑娘說涼粉B發展好好.......

也給她看到...爸媽既辛苦無白費... 放了很多心機湊大個仔.....

做媽媽的. 當然開心極了~

到走的時候. 涼粉B仲主動同徐姑娘 "BYEBYE"  仲要飛吻..徐姑娘LUM哂喇~ 仲話佢叻仔.. 之後話下次歲半見喇!

當媽媽離開之時. 完全無諗過涼粉B BOK住媽媽. 望番轉頭.. 仲伸頭望番姑娘.. 以為人地同佢玩..OH CHAT!! 哈哈~姑娘話涼粉B真係好攪鬼呀! ^^

媽媽諗.. 第時涼粉B INTERVIEW學校係咁合作就好了!!!!

見完之後. 等了10分鐘. 就再去10號房打1歲針 (麻疹. 腮線炎. 德國麻疹針)..

之前自從2個月大之後. 多次都係私家打針... 次次都係由醫生姑娘攪.. 媽媽企埋一邊.. 今次健康院又可以抱實涼粉B打針.. 依家大個仔知發生咩事喇~見到姑娘拿起針筒就啤住人喇~ 之後好驚個樣..... 一打落去.果然又係大叫一野....2行眼淚.. 又係無回聲.. 之後抱佢出房後就收聲. 但氣促.. 到抱佢見到小丸子就收聲了~再拿包包給他吃.. 仲即刻無哂事......好似即時忘了打針的痛咁囉

真係為食