涼粉B @ 11個月

04/10/09

涼粉B 今日11個月大喇!!!

^^ 時間真係過得快!! 話咁快, 下個月就1歲仔喇!!

等我好好記低佢到今日為止既發展先..!

身高:   唔知.. 真係好想度下.. !! 出世時既涼粉B 有 55CM ! 依家...........都應該高咗好多.. 因為抱佢既時候., 好明顯我係抱唔哂佢對腳... 如果佢訓到個人軟哂.. 我抱佢真係有點吃力架!!

體重:   22 磅 健康院話通常1歲時係出世時既3倍.. 睇0黎涼粉B都唔算肥. 相反, 我覺得佢吃了固體之後. 拉高咗. 但奀仔咗囉!

PATPAT 好似細左D! 都係一樣著噓噓樂 L 碼... 如果GOO-N就要XL!

膳食方面: 近 4/10, 佢已經變咗 1日4餐

到依家11個月大. 都轉唔到大仔森永.. 因為次次一飲一餐.. 佢好多時都攪到便秘

. 試過3日先屙到. 仲屙到喊哂. 勁可憐! 之後唔敢俾佢食.... 可能依家食少咗奶. 又吃了杰飯仔.. 少咗水份.. 佢每月清水都只係飲唔到100ML ~ 可能咁... 仲易便秘

不過識用學習杯用飲管之後.. 起碼肯啜水... 多多少少都飲到50 - 70ML

           早奶 -- 240ML ( 12匙細森永) 視乎佢幾點訓醒! 依期佢每天大多可以訓到9點先起身. 仲要未叫食囉!

            午餐 --  1 1/2 大人正常飯碗既杰飯仔! 正常係AROUND 12點.. 但係依家佢一出街 / 在家想訓.. 竟然可以訓到2點要叫醒先吃 =,="  學爸爸減肥咩~

曾食過既固體有 :

肉類: 豬肉 – 水展/柳梅/梅頭/ 牛肉/雞肉

魚類: 鯇魚 (甚少吃魚)

蔬菜: 冬瓜 / 節瓜 / 蕃茄 / 甘筍/ 菜心 / 菠菜 / 南瓜 / 粟米 / 白菜 / 西蘭花 / 小唐菜 / 芥蘭 / 青瓜 / 

另類:  蜜棗 / 陳皮 / 淮山 /  豆腐 / 黨參/ 蕉 / 蘋果/ ABC粉

           晚餐 -- 1 1/2 大人正常飯碗既杰飯仔! 多數7點俾佢食

           之後玩玩玩到 9點左右.. 一定叫沖涼. 想吃奶訓覺... 但係沖完都係10點左右吃奶.. 間中唔夠喉 要飲到260ML (13 匙細森永) 但次次呃咗支奶之後.. 都11點先訓得著...

訓覺方面..

踏入了 4號.. 佢無端端想訓時. 抱佢係左又訓唔著. 右又訓唔著.. 但係都要抱一陣. 再放低入床仔自己碌來碌去.. 碌到咁上下. 趴係度. 啜奶咀.. 咁就可以自己訓咗 =,=" 有時可以訓到一覺大天光..!!! 雖然中間有反訓有夢遊時間! ( 無端端訓訓下起身走去床尾再訓過) =,=" 但總算好過之前. 要抱先肯訓.. 半夜又喊醒!

牙仔方面.. 上面2隻大板門牙.. 旁邊出緊2隻側門牙 , 下面2隻細門牙

學習方面:

1. 依家佢識用姆指和食指去拎細細粒既餅乾 / 包包 放入口食喇!

2. 識拍手"好野" (明白的)

3. 識做開合既BYEBYE手勢 ,&  雙手開合. 望上天就係一閃一閃小星星....

4. 識講媽媽, 奶奶. 包包. 依然成日話人曳曳..新講爸爸, 波波(唔多正), 鴨鴨 (講左壓壓), ~曾經講過一次亞婆. 一次BYEBYE...成日叫姨媽做"吾媽" 好清楚!

  之前識講的反而少講咗... 例如:車車, 街街. 媽媽,餅餅. 成日見到媽媽講爸爸呢.. 見到爸爸又媽媽.. 如果想訓要媽媽抱. 依家衰仔咗.. 成日依依我我 LUR地咁扭就算.. =,=" 依然係好為食.. 自己食完野. 見到人地有野食.. 一定9秒9 走來扮FD.. 流哂口水. 想食.....係咁MUM MUM

5. 認人... 但依然唔會怕見陌生人... 出街坐LIFT見到唔識既人仲成日笑哂 "了" 人添!!

6. 自從9月買入網床.. 涼粉B 好快已識爪住企起身. 多咗企.. 仲間中懶醒咁. 甩手唔扶住. 向前行2步.. 有時仲企定定之後.. 甩哂手.. 拍手好野!! OR 向上開合..  一閃一閃小星星....

7. 有樣學樣.. 人地做咩佢做咩.. 算好專心.. 次次都望實人地對眼.. 看人地講咩.. 再望下人地身體做咩.. 爸爸左右搖動身體. 佢好快就學識了!

8. 按鬧鐘個制 .. 一叫佢"禁""禁" 佢就識按大粒制

9. 叫佢拎咩野俾媽媽. 佢真係拎到 (即係明白人地既指令)

10. 成日手指指...

11. 叫佢"飛吻" 佢會 "0拍"咀.. (因為我唔想教佢用手拍口來飛吻... 一來dirty. 二來佢會咋底食手)

諗到再講~