忙碌星期日@太公家+黃金海岸+公公婆婆家

27/09/09

今早1家3口訓到8點. 媽媽一起身.,..涼粉就即刻起身..(其實仲未訓夠呢)..

涼粉b 吃過早餐之後. 爸爸見快到中秋.. 就即慶起程過碼頭探望太公太婆 (其實應該叫太爺太嫲先0岩....!! 都唔知點解老公佢地一家d關係咁亂架)

去既時候, 老公想送上月餅給2老.. 但又矛盾! 因為太公都90歲. 太婆都86左右了! 一把年紀又應該唔好再食依d 傳統月餅.. 因為膽固醇都好勁下... 但聽到太婆話.. 無人買月餅俾佢食喎.. 老公又心痛.. 又想2老開心.. 所以最後都送上月餅一盒.. 但又叫住佢地唔好食咁多囉~and 分開幾次食!

由於太婆落左街.. 所以涼粉B先跟爸爸和太公合照一下..  見到太公..好開心.. 竟然唔怕陌生.. 仲要係咁同佢HELLO和笑. 

之後太婆回到來... 想抱下涼粉咋..涼粉B 即扁哂咀..想喊... 即刻飛身撲去爸爸抱.. 仲  合照時仲啤住太婆... 攪到太婆都幾尷尬!!

坐左一小時之後.. 我地1家3口飛的入黃金.. 因為相約了琳琳姐姐和SASA姨姨 LUNCH ....

今日係涼粉B 第一次去黃金海岸

好耐無見.. 涼粉B 竟然認得琳琳姐姐.. 仲玩左好耐都唔肯訓..

依家同佢出去食野.. 雖然有BB椅坐.. 但我地都好忙.. 好踢腳... 因為多手多腳既涼粉B. 一坐上大台. 就好鬼興奮!! 咩都拎咩都攪... 我地要快速拎開D野..如果唔係佢一定掃你個場..............

見到人地有野食. 又眼金金望住... 尤其係爸爸食緊既包包.. =,="

佢自己支奶又唔鬼肯食.. 食一半又唔鬼食...

當時既包係硬豬仲要烘硬的.. 但佢扭要食..爸爸唯有俾中間果D. (但都係好硬架)

佢一有包包食.. 又自己拍哂手咁..好開心咁..... (好野.. 有包包食咁既滿足樣)

食完佢既包.. 到我地食, 食食下就扭爸爸抱覺覺豬...

,到我地埋單. 再出去影相之時... 可能涼粉FEELS到琳琳姐姐合照.. 即刻起身LU

^ 2歲既琳琳姐姐 & 仲有1星期便11個月大既涼粉B (仲未訓醒咁)

原來涼粉B 真係高咗好多呀! 依家已到琳琳姐姐個膊頭喇~ 個頭AND 手瓜仲要大過琳琳姐姐喇!!!

依家D景非常靚. 不過多數合照.. 費是POST出來了!

影完一輪好多靚相之後.... 趕住回婆家幫姨姨搬琴,, 等的士期間.. SASA姨姨想抱抱涼粉B之時. 琳琳姐姐又話想抱.. 仲從後攬住涼粉B...

涼粉B即時望後.. 睇下邊個摸佢添呀! 哈哈~

當日實在太熱..2個興奮既BB 都玩到成個頭濕哂呀!

晚上在婆家時. 公公又送上一個新燈籠俾涼粉B (因為之前婆婆已買咗一個)

你睇涼粉B幾興奮!

依期係公公屋企.. 玩玩下就LIKE 爬近去依個櫃度.. 紮起個馬.. 再吉起身..

自己企起度. 扶住櫃行來行去

仲間中得戚到甩手.. 向前行咗2步添呀!!

行完仲自己拍手話好野..... !!

後記:

今日涼粉B係過得好開心.. 媽媽都係...  相信爸爸都係..

因為半夜...  涼粉B和爸爸都開心到笑..仲發開口夢.. 一晚大叫幾暈.. 叫醒左媽媽. 可憐既媽媽成晚無覺好訓囉~~~~~~~

琳琳姐姐., SASA姨姨....

爸爸話遲少少要相約你們去多一轉黃金沙灘玩下沙呀!! 到時無咁熱呢~ 期待ING!