唔好再玩喇! >.< 放過我喇!

17/08/09

已經2個星期.....

無覺好訓

涼粉B 晚晚都準時10點半左右先訓....

但係點都2點幾開始碌轉

接近4點, 仲要醒哂.. 自己企咗起身... 扶住床欄..... 仲要拍醒大床既媽媽 =,="

飲水.. 換片... 聽音樂.....啜住奶咀....拿著紗巾....掃掃眉頭 ...唱埋"HAPPY BIRTHDAY" ...

咩都做暈哂.......

又唔係肚餓喎 (如果係, 佢已經講話奶奶MUM MUM 架喇)

抱住都仲要一時扭右手抱... 一時左手.. 一時青蛙抱抱.....  抱到佢明明訓著咗.. 一放低佢..蓋好被.... 一擰轉身... 百厭仔竟然又企起身.. 又係床仔到 yeah! 真係俾佢激un喇~~~~~~重覆又重覆... 足足要抱到6點, 天都光了才肯訓番..... 間中嘈醒了爸爸.. 爸爸就接力由5點多抱到6點... 當涼粉B訓番.. 爸爸都係時候返工喇~~~~~唉~~~~~~就0黎俾佢玩謝喇!

點解 依個反斗星... 9個幾月大... 都仲係咁難攪架?

日頭已經訓得唔係多... 上午1-2小時.. 下午2小時.. 間中出街仲要唔訓添.... 日頭都已經同佢玩到攰.. 又出街街....晚飯時間亦都戒到訓覺.. (間中都係訓半粒鐘0者)..... 點解半夜都仲係唔使訓...? 咁好精力架!!

今早8點又起身喇~~~之後一直都唔訓.. 直到11點先叫媽媽抱.. 即係有點倦意... 果然一抱+奶咀,. 已經訓咗....點知..20分鐘後就醒哂.. 媽媽都未去訓.. 佢就企係媽媽面前...笑哂! :( 救命呀!

之後媽媽心情一沉.....成個星期都頭痛都唔敢吃藥..因為怕吃了大昏迷! 所以,,撐住... 但係今早撐唔住...忍唔住喊咗出來.... 粉粉見到媽媽喊.. 佢又喊了~

媽媽立刻出房...

但粉粉見到媽媽出咗去.. 佢仲喪喊起來..係咁媽媽...

之後媽媽入到去.. 見到喊到好可憐既粉粉.... 唉 心都軟埋~又抱起粉粉.. 粉粉即時攬到實一實.. 係咁媽媽..依依我我....

之後12點.. 喊到又訓著咗...

媽媽即時的佢落車仔.. 出街午膳, 飲杯奶茶撐住... & 去買餸....

唉一落到街... 又彈咗起身喇~ 10分鐘?!?!?!?!?

唉去到餐廳~諗住有餐安樂茶飯喇~~

點知吃吃下,,..粉粉竟然少可地.. 係街賴C!~~~~~可惡呀!!

9秒9又要埋單走人....

回家忙過不停... 清潔..洗PAT.沖涼..吃奶,,,湊訓覺.. 之後再煲定粥,, 洗衫...整餸~~~~

粉粉...依9個月來... 媽媽好似老了9年咁....  

唉..... 一日24小時都唔夠用.... 一星期七日.. 一年365日都無休........

媽媽真係無你咁好精架架... 真係唔知可以撐幾耐呀!!

p.s..  其實我一直係懷疑涼粉b 半夜係想大大細細.. 但係又屙唔出大大...所以成日碌來碌去..搵奶咀啜//(係 成晚啜住囉) !  況且這星期常常便便不順~~~唉