大碗麵

"果日" 同朋友仔去咗黃埔玩保齡(原來黃埔有保齡球場架喎都唔知tim..但係望落去個場都比較細同樓底都幾矮, 所以有啲壓迫感... kakkaaaa..諗番起因為咁有個朋友仔話喎...影響咗佢既水準喎嗱嗱嗱..唔係話你呀

後尾去咗一間好耐都冇去嘅"加太賀"食飯, 我估啲人都唔記得咗佢luu..的士哥哥又唔知記得嗰陣時同媽咪去食.. 陰公 我同媽咪坐喺後巷張櫈仔到等咗成個幾兩個鐘 ( 好似睇醫生咁, 又係喎...依家又真係醫肚喎)....但係而家去到條街都靜靜哋....死喇..唔通摺咗??

睇真啲張相, 阿叔好似睇緊女仔喎....話比嬸嬸知, 罰佢頂痰罐..

好彩仲喺到...suprise嘅係佢仲keep住咁多間舖喎(因為呢晚星期六都唔多人)....

後尾gup到人哋張枱..嘩~~~~~~~~

巧大個碗呀, 巧得意呀~~~~

拿拿林打開餐牌...價錢okay worr..咁大碗,我哋人又多, 食嚟玩, 玩嚟食都抵嚟喇~嚟喇~阿姐攞咗碗麵麵入嚟喇...我試吓攞(搬)起啦..好鬼重喎~但係我見到阿姐個様okay架喎, 唔係咁重架喎 好明顯我哋唔會放過佢啦...合照先!!打橫打直, 影咗好耐, 朋友仔話啲麵"林"咗 玩咗咁耐, "林"到呢個程度都okay啦~~~個麵點??  好味呀!   如果我哋唔插來插去影相, 襯熱食應該會高分啲tim但係好難唔影啫

我哋都叫咗巧多嘢食呀..呢個沙律得, 嗰個花之戀得,個魚同加洲卷就ma ma they lahahaaa..扮蔡x..同..x瀾tim

見大家都食得咁開心,好滿足呢 8 個人埋單每人90蚊,仲有廂房坐tim!唔講喇,攪到好似好餵食咁

P.S.其實寫blog一啲都唔容易呀, 要update我真係做唔到 (你見啦, 我都係寫"果日"就知啦)..知道有人話佢會寫喺紙仔記低當時啲感覺, 等到得閒再打番上blog...我本來都怕自己會冇咗嗰刻感受或者唔記得咗啲嘢(聲明在先:我暫時係未有老人痴呆症既)...但係如果太攰又眼瞓再免强草草寫低幾句, 咁我又唔制呀...諗深一層,其實過咗幾多日都好,諗番起嘅嘢先至係真正濃縮又值得回味嘅感覺