紅pok pok 茄茄通

太誇張喇....實在太誇張喇.....有乜可能咁多人架!!

a.....大家如果有睇過我之前既"南丫島遊遊遊"就知我講乜架喇

我之前成日都食唔到嘅"紅pok pok茄茄通" 今日我終於食到laaaaaaaaaaaaaaaaaaaaaaaa個心情實在係太太太太太太太太太太太太興奮喇...

不過, 要食呢個"紅pok pok茄茄通" 一啲都唔容易架你睇! 你睇! 幾長龍你知嘛..我去到街口見到遠處有人排長龍, 真係嚇一嚇, 誇張!真係誇張....我真係唔想第五次嚟都食唔到呀....係喎..我今次係食到架..所以唔駛咸..heheee

坐低喇!坐低喇!(有啲仲咗奬等攞奬既心情)....eeee..成枱啲人都未叫嘢食..gup 唔到人食咩..唔知叫咩好timm..

因為呢度"茄茄通"出名, 所以好自然就諗自己要食通粉...但係原來茄茄通都有好多選擇架喎...個餐牌好多"茄do do 通"...諗咗好耐, 最後我就叫咗"茄牛蛋通"喇!! 而我個朋友仔亦揀咗佢既"茄牛餐肉通"..

有一點大家要留意架, 呢個茄茄通, 好大碗架, 女仔兩個人食一碗都得架喇, 最多加個多士啱啱好呢個貼士係由洋蔥頭話你知既!!

另外因為我知道傳說中有個名叫"四大天王"既多士..但係我唔知道邊到有得食..唔知呢到係咪咁叫又或者有冇得食呢??....睇睇個餐牌先..eeee...呢個嘢有啲似喎......

有啲似既意思係...真正既四大天王..係有四個唔同口味分開塗喺四個格格(見圖: 四分一為之一個格格laww..")

但係呢個叫做"混醬甜麥多" 所有醬都撈埋一齊.......不過, 一啲都唔重要...因為佢........................實在係太太太太太太太太太太太太.....好味喇...點解會咁好味架呢.....真係唔知點形容...總之滿分啦!!

後來, 同枱既人叫既嘢都開始嚟喇..eeee....奇怪喇..點解?? ???

"茄請公仔麵"邊個架??阿姐喺我後面叫....原來係"茄腸公仔麵~~kakkaaaa..好地道呀~~係喎..點解成枱既人都叫公仔麵既??...得我哋兩個叫通粉咋喎..儍瓜!!我哋點解唔叫一個通粉, 一個公仔麵試吓呢...蠢呀~~蠢呀~~..難得一場嚟到,點解唔試吓喎.....都未鬧完自己既時候....唉吔...一個外表吸引名叫"豬扒蛋脆脆"既東西 喺我哋面前經過....再一次唉吔....點解叫兩碗通粉呀, 叫一碗試吓咪得lawww...嗰個豬扒蛋脆脆好得意架...好似巨無霸咁..分三層, 一層係豬扒, 一層係蛋, 而個飽係脆pok pok 架....(可惜, 我哋影唔到相呀剩係影咗佢個名咋...下面第5個item) 

我同我朋友仔再一次檢討自己, 因為我哋係第一次有得坐低, 心情的確係緊張咗啲, 下次!! 下次大家請我嚟既話, 我一定會好好多, 我應承大家, 我唔會咁失禮架喇,多謝晒先..

後來, 我哋諗住啲咁好食既嘢緊係要同人分享啦, 咪諗住外賣份"混醬甜麥多"lawww..因為我怕凍咗冇咁好食, 就等到臨走先order....點知....阿姐話: 要等巧耐架喎..我話: 好耐架? 阿姐話: 冇既, 仲有成排單laww...佢啲眼神話我知~~~ 你都係唔巧等喇...因為我哋又趕時間既關係, 好唔情願之下...我話: 咁算啦...阿姐表現滿足既神情點點頭......嘩, 咁都得!有生意都唔做??

我發覺"有生意都唔做"係呢間舖頭既特色, 我又何必大驚小怪呢!! 我仲係好記得上次阿叔拒絶過我   +  太傷心, 太傷心喇~~~

                  茄茄通喺左邊  <--------------------------------------> 九記牛腩喺右邊  

以下呢個係九記牛腩既地址..而呢個"紅pok pok 茄茄通" 喺佢對面既鐵皮屋

 請緊記營業時間係: 8:00a.m. - 5:30p.m. Mon to Sat ...紅假休息

地址 : 中環歌賦街21號地下

因為我哋又要趕住去睇一個由"W創作社"做既Drama --小人國,Little Hong Kong - 仲有半個鐘,就急急腳由中環去到香港兿術中心壽臣劇院..嗯 搭咩好呢, 諗住搭巴士啦, 個站好似近啲又快過叮叮..點知.....去到巴士站,要 $8.90 又好似唔抵...係喎..全部都係隧巴一定貴架喎....不如搭的士好過啦...又諗....搭的士??...條馬路四面交錯, 又唔知喺邊到截好喎...唉...行行吓想截的士啦....eeee...有巴士喎...但係我哋依家又同架巴士己經有半條街既距離, 但係啱喎, 搭唔搭呀??..跑啦....一路跑就一路笑...一上車..dooooo...$8.90....一路笑一路又問點解, 點解好好哋喺巴士站等巴士咪好lawww...到頭來又係要搭隧巴...坐低咗之後..另外一個朋友仔打嚟話唔識去, 叫佢去金鐘地鐵站等, 我哋又早咗落車同佢一齊行過去..諗諗吓..原來最終我哋應該要搭叮叮$2.00就攪掂.....kakkakaaaaa...笑死

我發覺自己身邊實在太多盾矛而又笑死自己既事情發生... 不過我亦發覺呢啲嘢都係生活一種既樂趣..

呢個Drama 好嘢呀http://www.wtheatre.org.hk/littlehk/story.html...眨吓眼過咗兩個鐘..真係太好睇喇~~當中主要係諷刺香港人既歧視同冷漠,分別有十一場  ...

1. 肥仔"平等機會"受辱記(肥仔小豪).. 2.鬼妹仔OL現形記(鄉下妹扮鬼妹仔) 3. 咬字不清侍應vs熊貓高宫 4. 大隻佬健身院貪小便宜 5. NDS之戀 6.地鐵恒生I(地鐵站等人一定係恒生...同陌生人講嘢, 外表斯文Office Lady講粗口..) 7.基米高襟冰襟冰再襟冰(名媛,基米高到Boutique買衫(死亡筆記, xxx law~~, 尊貴既客戶... ) 8.地鐵恒生II 9. 港男港女K-1擂台 10.街頭相撞事件 11.香港07之今時唔同住日..

男主角:梁袓堯 Blog: www.98.to/pumpkinjojo