網誌分類：世界深度行 |
圖片
網誌日期：2009-11-17 12:50
30.9.2009（三）
築地 - 新宿 - 池袋
結婚一週年之旅要出發啦～
今次目的地係東京８天，我地會零晨機去夜機返，玩足８日
一切已經準備好，終於等到1點35分，可以上機啦～
零晨機當然係瞓唔到啦～
瞓左陣就食宵夜，有熱粥＆冷麵＆三文魚＆生果，夜麻麻食熱粥又好舒服WOR
六點幾落機，因為太早所以唔會去酒店住，拎住一個大喼既行李，可以去邊呢？
我地當然一早PLAN好左啦！首先去大門呢個轉車站，LOCK左個喼先！
兩手空空，人都輕鬆啲呀！跟住就出發去築地食早餐啦～
今次揀左食出名多人既壽司大，預哂要排隊架啦～
感謝主 感謝主呀！！ 竟然唔多人，只需要等半個鐘就有得食YEAH！
(我個friend上次等左2個鐘呀!)
我地揀左3900YEN那個SET
每一件壽司都係咁好食，一路食一路不停講好好味呀！！
最最最好味既當然係呑拿魚腩同埋海膽啦～
食飽飽就係築地行左陣，跟住就拎返個喼返酒店CHECK IN先啦～
雖然酒店話要2:00先有得上房，但我地12:00去到CHECK IN又已經有房WOR
上到房，實在係太眼瞓，就決定瞓一陣先
點知有人較錯鐘，一瞓就瞓左3個鐘
嘩．．．要快啲起身出發去池袋啦！
去到池袋第一時間又係搵食
無敵家既濃湯豬骨拉麵真係超好味呀！！
個湯底真係無得頂，我地係網上印左COUPON仲每人送左隻蛋
食完就行去SUNSHINE CITY，但中間當然俾好多地方吸引左去啦～
仲俾我地見到一間最平既藥房，入到去失哂控，買到無手拎呀！
未去到SUNSHINE CITY已經成個背包FULL左，仲手拎住一大袋
係SUNSHINE CITY主要係去NAMJA TOWN
因為入面集合左餃子，雪糕同埋甜品
呢個餃子區入面有成十幾間出名的餃子店
我地揀左其中的三間
寺岡 - 青檸餃子 (麻麻地)
包王 - 近江牛餃子 (好味，雖然食唔出咩係近江牛，但有牛既肉汁）
宇都宮 - 炸蝦餃子（最好味，蝦大隻又爽，仲係期間限定架～）
食完餃子之後就去左食雪糕
呢個雪糕館入面既雪糕款多＆奇到你唔信
我地當然只係揀左啲正常野啦～
草莓炒雪糕 ＆ 芒果炒雪糕
好味～ 仲好好睇，因為睇住佢成個過程炒出黎架～
之後去埋甜品個邊，但無咩特別，只係買左個雞蛋布丁for今晚宵夜食
跟住就走人啦，因為第一日通哂頂，個人真係好攰呀！
返到酒店沖涼，影埋啲戰利品，食埋宵夜就瞓lu～
第一晚係住double room，因為semi-double room full哂
我地好滿意呀！唔太貴，但都幾大幾闊落！
