歡笑背後

故事一：

話說這是一個星期日的清晨，返夜更的我忙到想講粗口的時候，一個我自問仆心仆命幫他辦事的客人從容地站在我旁邊，很溫柔地說：點解你咁冇用既？人地阿同事A跟經理講聲就幫到客人拿演唱會飛，果d客玩得仲細過我啦。

我：梗係啦，佢係經理個男朋友呀嘛～而且佢又係 senior。

客人：點解你咁冇用既？人地都升左喇喎，仲未到你？

我：每個人都唔同架嘛。

客人：好彩阿同事B跟經理嘈，先幫我爭取到D飛，果日我見到同事B幾惡呀。

我：每人性格唔同嘛，咁唔夠紀錄真係送唔到演唱會飛。

客人：你咁冇用既？同事B都夠膽同經理開戰呀，做到野先會有客人搵你架嘛。

我：同事B點同呀?佢冇左份工都唔洗憂，同上司頂撞咪只會冇好日子過。

客人：而家呢個社會咁林善唔得架。我呢D熟你既客人就知你難處 jer，如果係新客實唔搵你啦～你咁冇用！！！

我：但你都好似唔係太明我難處。

客人：我咩唔明呀，同事B話咩都唔驚，因為佢知道經理好多衰野，最多爆大鑊。

我：我返夜，都八唔到經理有咩衰野唔比得人知。

客人：你咁冇用架？圍內D野你咩都唔知既？

係喇係喇！！！我知我冇用喇！！！唔洗係咁強調呀嘛！！！？？？

*************************************************************

故事二：

發生於整張賭檯都坐滿正在向我落單要香煙的客人，其中一位從來唔食煙的師奶說：咁我都要兩包熊貓啦（中國名煙）。

我：小姐，你紀錄未夠 wor。

師奶：咁要住一包先。

我：唔好意思，一包都未得。

師奶：有冇搞錯呀？我輸左幾萬蚊，而家要包煙都唔得咩？

我：唔好意思，我地唔係睇你輸贏而簽唔簽單。

師奶：唔比咪算囉，睇下你幾時比人炒，我第一個笑呀！

我：（％＆＃＄（％＆＄＃（％＆＠）！！！

*************************************************************

究竟這個是什麼世界???

回家，很累，很想哭，但沒有一個讓我覺得可以釋懷的肩膀，這些委屈只是自己一一的扛上去，其他人看不到我心有多重。

即使跟身邊的他說了，他只會覺得 "你都習慣哂啦"，習慣不等於無感覺，尊嚴都被貶下了，卻裝著跟對方說笑的樣子，我多麼討厭這樣的自己。心靈不停被掏空，卻沒有一點愛和關心注進去。

很累，很想哭。