攪掂一樣 ~ 婚紗+ 晚裝

昨日約左伴娘去試衫, 咁啱呀仔又得閒,所以一行三人就玩足一日!!! 無錯, 係一日, 由 下午一點玩到八點, 但只係去左兩間... 一係BR , 二係BA (估到就算啦... 唔好問)

BA 係年頭同 好友S 去睇個陣, 見佢啲換幾特別, 又做緊OFFIER 所以就JOIN 左個最低plan 即 1WG + 1EG.... join 左之後都無理過, 係最近 BA 打黎叫我好去試衫, 一來返左新衫, 二來以免遲啲睇啱個件無期.
故此就去試一次大野 (即任試任揀)!!!!  橫掂都係, 不如試下BOOK埋 BR 睇多次, 試兩件, 等啲觀眾有比較麻 

先去BR 睇實物好似好靚, 但相個見啲MODEL著住有啲又怪怪地無實物咁靚, 不過點都唔好"薜"個QUOTA, 同伴娘左挑又揀咁, , 一件桃紅吊帶大露背的EG, 同無意中搵到件新返未有相又有期的 WG... ohohooooo... 唔試由至可, 一次揀直愛上, 觀眾又一致話好... 不過價錢真係有啲貴, 所以走左.... 轉返去BA.....

唔知係咪心掛掛個兩件, 係BA試左N 咁多件WG 同EG 梗係覺得"爭的", 無件真" 嘩...好鐘意", 而OK 個啲呀仔 一係就唔鐘意個釘花, 一係就唔鐘意隻色 ... 不過最後都HOLD 左1WG 同1EG既.... 除左試我個啲, 叫得伴娘去就梗係試埋伴娘衫啦..... 試左幾件, 呀伴娘都係唔知點...(其實係佢睇唔慣自己著吊帶裙啫... )

離開BA 之後個心一直十五十六, 好掛住BR 個兩件, 但價錢又貴 而且又係BA度俾左錢.. ... 同呀仔伴娘開完會... 結論係令願, 著少一套都要搵著件自己鐘意又靚既... 故此... 返轉頭投入BR 的懷抱... 呵呵呵...

再去BR 的時候已經係1830!!!! 好在個段時間無人, SALE 姐姐又俾我任試 (個陣仲未CFM 話佢知要幾! )

試呀試呀試呀試呀試呀 ... 試埋伴娘, 問伴娘點呀, 佢個衰妹竟然答: "俾啦! 就呢間啦!!"... 而呀仔都讚承, 因為佢睇穿左我勁鐘意件晚妝, 而佢亦覺得呢間啲衫同佢去飲見開個啲唔同.... OHOHOHOOOOO.. 好在有佢地同行, 俾到意見同SUPPORT!!!

呼~~ 攪左成日, 好在攪掂!!! 從今起要努力慳啲食, 同慳啲洗 (認真的!!!)

詳盡報導完!

P.S 係JORDAN 撞到LIZA 同MR WONG... suprise!!! 真係約都無咁啱!