又行expo

又係行結婚展既時候…. 今次主要目的係睇場地佈置, 雖然有心水, 但都要睇下市面情況, 了解下先得丫麻….

睇左好幾間, 價錢差唔多都要6千幾up!!!! 真係 SUPER OUT budget!!! 

首先… 景逸軒個backdrop比一般8x16大(但個台又唔見佢跟住大), 幾間都話幾加幾百錢….
再講, 我唔想見到個台”原本”個肉酸樣, 鋪地毯要2000 (有啲仲要唔包個兩級樓梯, 鋪埋要加多200.. 搶咩)

三講, 樓梯… 簡簡單單咁… 承為$2000…加BALLOON 40@!

真係越睇越無心機…. 一來佢地好為生意而個生意, 款又唔係特別靚, 包個啲字款又唔得, 好似夾硬要你upgrade 咁….

行行行, 見到tiffanny flower, 上網見過佢地花係幾靚, 不過都係囉, 好唔理我地又無service, 所以拎左pricelist 就走左, 點知隔離見到有繽紛!!!

印象中繽紛好少擺proof, 佢個package 都唔係貴998包花球,新郎襟花x1,主婚人襟花x4, 手花及襟花各6個!!

繽紛話晒都係花墟大野, 對佢地啲花都有信心, 不過一來佢唔係好明我想要個圓波波花係點, 二來無諗過咁早攪花球 所以無做到好功課, 三來, 3月大部份花齊況,且佢仲係花鋪添, 又唔擔心會無花, 至多係無會展價啫.... 所以最尾都係無落訂, 睇定啲先… 希望佢nov 會再擺... 再有折

再行…. 見到agnes b 擺檔呀!!!!! 好多人… 有折但都要700一個花球, 仲要係唔同款唔同價錢, 加手花or襟花 70@!!!.... 好貴... 唔捨得...  

其實我係繽紛度問, 你地同b仔有咩唔同?
佢答,: “係絲帶唔同,其實啲花都係一樣,我地仲會多款啲”
係b仔同問, 你地同繽紛有咩唔同?
佢答 “啲花都都差唔多, 係扎法同襯花唔同”

上面綠色白個個係from b仔, 就似我想要個啲圓波波花, 下面個個就係繽紛個個... 最衰係唔醒起返轉俾繽紛睇下我個圓波波花... 如果佢地明... 咁就掂!!!
最後.... 做左樣無諗過係expo 度做既野..... 就係係家計會book左檢查!!!

仲有仲有.... 實左頂唔順個頭... 日前終於去左電髮!! 只係電, 無剪短到, 仲有半年... 應該會無問題.... 下個月做colour.... 咁就靚晒...