金錢壓力

好想好有智慧咁運用金錢, 但一直都事與願違... 從求婚戒指到backdrop (暫時), 所有啲野貴過人... 每當同其他準新人分享既時候都唔係好敢出聲... 個個都好似鬥緊平靚正.. 而我個啲就係貴貴貴貴....

把口成日都話是旦啦.. 簡簡單單未得囉, 但當殺到身要從幾間挑選個陣就一定會揀左最貴個間 / 樣 (當然係當中最靚架啦)

而家所有野都只係俾左deposit, 加加埋埋啲尾數都真係幾金...

近日呀仔搵到對tailor made 既婚戒, 無論質地, 厚度, 款式,花紋都可以自己揀,仲可以刻埋名.. 係咁tailor既時候, 價錢都一定有返咁上下萬...  ... 戴一世架喎.... 係咪應該要買對好啲呢?  拿...拿.. 拿... 就係咁... 差啲又中招!!!

呀仔話: "你搵啲地方慳到幾千蚊幾咁就買啦".... 吓... 請問係邊part仲可以慳到咁多.....

攝影? 好似己經係basic個plan
餅咭? 一早買晒啦喎!
租衫? 又係你地話靚既 同埋已經租少左件啦!
backdrop? 落左deposit 啦喎... 至多唔整樓梯, 唔要carpet, 都應該慳到少少既.....
化妝? 都係俾左deposit 喎? 可以點cut? 叫人化一半收一半錢?

花球? 花車? 紅酒?過大禮? 禮金?(唔洗俾好無?!)  

哎吔... 好煩呀!!!