裙掛 & 奶奶衫

醒起要租掛, 拎返酒店送張coupon 出黎, 打去金鳯凰約個時間, 接電話個位小姐二話不說就問: "係咪酒店coupon 黎架?"  答: "...係呀 (唔通個個都係拎住coupon 去)"

佢張coupon 話包珠片掛一套, 通常都預左睇唔啱實會加錢架啦, 問題係加多定加少架啫! 上到去, 好多人!!! 問呀姐姐珠片掛係邊啲同金銀線有咩分別, 佢對住相簿指左幾款呢件, 呢件同呢件係珠片, 咁呢件就係金銀線, 你睇有分別架. 金銀線就睇款啦, 有啲加$380, 有啲加$580咁啦.

不過唔知點解攪唔清兩者有咩分別, 只係覺得金銀線上面"突"出的龍&鳯好似四腳蛇, 左右各有兩隻 成身一共有四隻四腳蛇, 結果揀左左邊個件! 呀仔同呀仔媽媽都話幾好. 咁就呢件啦, 對我黎講唔好咁閃就ok!!  ( *fit身, 唔洗改.. yeah!!ohohohoooo) 

揀完掛, 佢地又係咁sale 媽媽衫... 不斷拎出黎, 呢件啦, 呢件好呀, 呢件著出黎靚呀, 試左之後又話, 古古怪怪咁,佢就會話而家睇款, 唔係fit 身麻! 睇啱左, 遲啲會改到fit 架喇!!
chur 得好勁呀!!!

之後去左bxxxa 揀媽媽衫, 初頭佢地勁多人既時候得一個女仔serve 我地, 佢好好, 好易話為, 但到後來其他客走晒, 全舖的sales 女仔一齊黎serve " anutie, 呢件鐘唔鐘意? anuite, 不如試呢件. anuite, 你好fit 喎" ... ohohohooooo NO!!! 實在太HARD SALE 啦, 忍唔住同個女仔講, 你over 左啦!!

結果好在呀仔媽媽都有揀啱... 無白行一日