粉刺=壓力??

昨日去做facial, 美容c 問: 嘩你攪乜呀?? 從來都未見過你生咁多粉刺, 你攪乜呀?

粉刺??? 唔通係我轉左隻新粉底?? 試用左隻新落妝油?? 落妝油油得滯?? 落得唔乾淨??
自問落妝潔面係強項, 定必會洗到乾乾淨淨, eyemake up remover + BioDxxMA + SHiseiDO 仲點會有殘留物係臉到??

美容c: 粉刺除左唔乾淨的外在環境, 仲有內裏因素, 例如: 壓力!!

壓力??????   ... 我諗都係份工掛... 啱啱做兩個月, 開始識應個班廠人的老土, 無賴的, forwarder 甩期... 但仲係未慣要做admin 野, 唔知係黑仔定係唔好彩, 好多office expenses, e.g, 洗地毯, 洗冷氣, 加雪種, 老細又話想要call display, 要個quality 好啲但又要平啲的idd service... 都唔知話佢"姑寒"定慳好, 每次話佢知個價之後佢又要左諗右諗, 
每次拎單入去俾佢開cheque, 都好似係我話要洗咁...

算啦... 俾心機學下money control , quota 多啲... 當係學下野, 扮下蠢,  為做一個精明的少奶鋪路!!!  (精明係唔等如慳!!! hahaa)

BUT, 近排真係好唔忍手咁買野, 唔理咩鋪, 入到去就好想買野, 係咁同自己講, 有用架, 無衫著喎, 不如買啦... HELP~~~ 就連淘寶買衫都唔放過!!!

為免血流成河... 而家無乜必要都唔行街, 放工回家, 唔開電腦, 睇BIBLE 修心養性...

@_@ ~~ HaRRy PoTtEr & tHe HaLF-blOOd PRinCe 好 xxxxxx 悶, 差啲瞓著!! o徒左張coupon!!! (仲要每人補多$25!!)