重遊海洋公園

2006年11月4日，小魚牛一，嘻嘻... 趁海洋公園生日免費入場，去玩左大半日...

由金鐘搭城巴入去，o係大樹灣果邊入，由於時間關係，加上我既target係水母館，so有d地方我無去到~

一行入綠野花園...woo...有發現，一大堆鶴o係淺水處：

經過集古村，沿扶手自動電梯上山，途經太平洋海岸，終於黎到水母館，好多人呀~~ 要排隊入...

入口個招牌幾鬼靚~~

附近仲有一隻隻假水母吊晒o係度，幾有氣氛：

水母館入面漆黑一片，而好多唔同品種同大細既水母就o係入面一隻隻螢光咁游黎游去...

為免打擾佢地，我無影相，不過在場唔少自由人就有你無你用閃光燈閃呀閃，可憐d水母無得走焗住被閃，真無陰功，長期咁樣d水母會唔會被閃光燈嚇死架~~

水母館戰利品 ─ 水母公仔一隻：

之後仲去埋鯊魚館同海洋館，鯊魚館d鯊魚又大條又多品種，海洋館已經擴建至四層，好多好多唔同既魚游黎游去，最難忘游得好快既海龜~

三點半去左睇海洋劇場，記得好細個果陣黎過，依家再睇都依然咁好睇，兩隻海豚姿態優美，兩隻海獅動作多多，表演精采：

黎到海洋公園點可以唔搭吊車，相比起昂坪360，呢個規模細得多~

從車卡望出去...

香港仔美景~~~

密集既吊車群，吊車數目比昂坪360既多...

哈~~ 去兒童王國逛逛，仲睇埋威威劇場至走~~

最後一站當然係去探o下安安佳佳，安安o係度行黎行去，佳佳就坐埋一邊掛住食，都費事理我地呢班“觀眾”...

不過都係驚嚇走佢地，我無影相，兩隻大熊貓已留在腦海中~~

離開海洋公園後，夜晚去左尖沙咀魚一丁食生日飯，好好味~~

必食拉麵沙律：

汁燒帆立貝，好惹味喔...諗起都流口水：

鹽燒雞軟骨，有咬口：

豚肉火鍋，好好味~~ 尤其係個豬骨湯底...