好友共聚尖沙咀

2006年7月7日，星期五，晴。

今晚依然要返工，黃昏RU班衰仔突然話要今晚約出黎食飯傾野，我估到乜事啦~

其中一個衰仔搞搞震，今期RU正值多事之秋，大家圍埋想做低佢...

我介紹佢地去尖沙咀食果間碟碟 $10西餐 + 日本野，六個人 Total 食左五十碟野，埋單$550捧住個肚走！

清酒煮蜆，好鬼大隻：

巨峰梳打，即係提子梳打水，朋友講笑話望打風﹝巨風﹞至叫佢喎，撈埋d碎冰望落去少少粉紅色幾靚：

鴨胸釀鵝肝，又幾好味喎~

三文魚炒飯，炒熟左既三文魚碎炒蛋飯，um...呢樣可以考慮o下自己o係屋企整：

清清地既日式炒什菜：

貴妃鮑片﹝左﹞、白拖羅剌身﹝中﹞同三文魚手卷﹝右﹞，大家貪新鮮叫黎試o下：

濱千色卷，個樣似加州卷囉：

軟殼蟹卷﹝左﹞、八爪魚壽司﹝上中﹞、花之戀﹝下中﹞、三文魚壽司﹝右﹞：

黃金帆立貝，好大隻喎...

雞軟骨串，每碟兩件，呢度有三碟：

雪花牛肉鍋，好快賣晒，想 encore也沒有機會：

合鴨鍋，其實即係鴨肉，無諗過可以用黎打邊爐：

燒魷魚鬚，好鬼香：

炸蝦天婦羅，炸得好脆好香口：

冬菇天婦羅，炸到認唔出！

紅豆雪糕：

黑芝麻雪糕，好香芝麻味：

鰻魚炒飯，望落去好多醬油：

吞拿魚手卷﹝下﹞，海膽壽司﹝上﹞？

清新健康既南瓜粥：

再黎金菇拉麵~~

叉燒拉麵：

蟹籽沙律，賣相趣緻：

白汁吞拿魚意粉，咁多芝士食一個都飽...

菠菜三文魚碎意粉，呢個望落無咁飽膩：

特色泡芙，其實即係朱古力泡芙：

汁燒雞串黎啦，醬油淋上雞串上面，好香：

白汁蜆肉雞尾腸意粉，又一飽肚作品：

金蒜牛柳粒，好惹味~~~

燒餃子，賣相唔錯，可惜唔夠人爭無緣一試添...

炸帶子，金香鬆脆：

睇o下張點菜單，其實我地仲有好多野未試，下回再黎﹝另外有張壽司紙專點壽司剌身，下次影俾大家睇o下﹞：

睇埋張單，碟碟十蚊真係無花假！