網誌分類：迪士尼 |
圖片
網誌日期：2008-10-05 00:31
今晚又去迪迪尼, 皆因上星期六未有入去探險世界個邊o既"森魔詭域"。今日四五點去到, 第一時間就去呢個地方, 當時唔係好多人排隊, 所以排咗二十分鐘就已經可以入到去玩。不過入去個間屋之前, 你要係大門口入面等一陣, o個到又黑, 又播D恐怖音樂比你聽, 所以個感覺會嚇人D, 至於入面有幾恐怖, 咁就要你入去玩過先知啦! 
今日去到, 影D上次無影到o既嘢先
, 就好似係大門口呢張咁, 上次入嚟都無留意到, 今次比我哋睇到佢, 當然唔會放過佢啦! 比過大特寫你哋睇吓啦。
跟住去到小鎮大街見到鋼牙佢哋, 又要同佢影番張相先得
玩完"森魔詭域"之後去咗買杯爆谷, 又不忘同佢影番張相留念吓呢! 
仲有今次入嚟另一目標就係攞齊六款貼紙, 貼滿呢張Jack咭。
只要你去到指定地方, 出示你張Jack咭, D職員就會比張貼紙你, 有D仲會派埋阿Jack棉花糖添
涼茶 2008-10-06 15:15
好想要阿Jack棉花糖呀...有無得買的?
黃小嘉露2008-10-08 14:10