別在大師面前獻技吧

上星期六, 一早就在家等看大結局, 見有大把時間, 多口問爸爸吃糖水嗎? 見有生花生仁, 就打算做花生糊吧.

心想以為非常容易, 炒香花生, 用攪拌機加水打成花生汁, 把渣過濾, 加熱煲滾, 用白米打好的米漿打獻, 調至合適的杰度便可.............足足整了2個鐘呢.

要知道爸爸係家中的甜品大師, 我們兒時他已經會做香蕉蛋糕, 仲係不用跟食譜架.  仲有, 他只係一介司機, 我們兒時他居然會做一個法式甜品(當然我現在才知道是法式啦) 就係橙汁pancake 呀, 用牛油煎好的pancake加橙汁燴果種呢.........

所以我一邊做, 一邊冒汗, 怕做得不好呢, 但最終我都把之完成, 哈哈, 爸爸仲食了幾碗呀, 真係開心喇.

做法分享 :

1. 花生約半磅, 炒至有香味

2. 分開2份, 放入攪拌機加水至滿水位線, 打至幼滑.

3. 過濾之後, 把花生渣分3次,再放入攪拌機打多一次, 再過濾

4. 白米約半嘜, 先用水浸一小時, 用攪拌機打成米漿, 過濾備用.

5. 把花生汁煲滾, 加入糖, 等糖完全溶化, 便把米水加逐水加入, 調較至合適的杰度 便可食用.

要花生糊幼滑, 渣要隔得非常乾淨, 我隔了4次呀

加入米漿時,  我覺得把火收細才加, 才不至結成一塊塊

不要調得過杰, 因為一冷卻便會比熱的時候杰得多

收火以後, 表面好快結皮, 再加熱煮下應該就沒有問題