2008/07/20 太婆婆陪游水啊~~

今日係星期日，mami放棄訓覺既時間，8:30am就帶左軒軒出門口，我地約左太婆婆去飲茶，有破壞無建設既軒軒又出動啦~~搞到間酒樓污漕漕咁，唉...

之後，太婆婆話想去下mami間新屋，軒軒第一次去爸爸mami住既地方呢!!!應該咁講...哩間新屋我地都未搬入去住架，月尾啦~~裝修已經完成，只差家俬同電器送埋黎就可以入住啦!!!軒軒入到屋都無喊無扭計，根據老人家所講小朋友入屋唔喊 = 風水無特別問題，咁都好~~我安心好多!!!等軒軒大個少少，準備多D玩具等佢得閒過黎玩先得!!

然後，太婆婆見時間尚早，所以跟埋我地一齊坐車車返屋企，等軒軒訓1陣再食埋粥仔，我地就去左青衣泳池游水~~

泳褲仔出場~~~~連埋今日已經著左4次啦~~~

私家豪華遊艇~~

軒軒玩得好開心~仲識踼水潑水，泳池好多姨姨都話軒軒好靚仔呢~~呵呵呵~~太婆婆雖然無換衫落水，但係都一樣玩得咁開心，今次係太婆婆有生以黎第1次入泳池添呀~~玩完水我地仲去左青衣城麥當勞食雪糕~~好開心既星期日呢~~

爸爸今日放早，返黎一齊食晚飯。捱左1日~爸爸終於有機會同軒軒玩，我地一齊彈琴琴，聽音樂~跳舞~過左一個好開心既親子時間呀!!!

↓↓↓哩條片好好笑~~記住睇到最尾~~ 1分30秒之後既扭pat pat舞超爆笑

↓↓↓坐低左都要郁郁下，音樂細胞非常活躍

夜晚~~軒軒開始曳曳啦!!!公公一話佢，佢就詐喊扭計，嘩~~好入戲呀~~