深夜時份

呢個星期我晝伏夜出, 因為要返通宵班, 而我"更頭"有個習慣, 就係會細細聲開收音機聽.大家都知道, 深夜時份電台仍會不停播歌, 但同日間既不同, 就係佢唔會播近排既流行曲, 反而播d舊歌,好似徐小鳳, 羅文, 張國榮, 歐瑞強, 陳百強等.

連續聽左幾晚, 我有好奇怪既感覺, 就係如果日間時候比我聽到呢d舊歌, 我會覺得好悶, 好煩.......仲會熄機潻.但呢幾晚返工,不知不覺都聽左幾十首舊歌, 但一d好悶, 好煩既feel都無, 反而個人好relax, 好enjoy潻.

一邊聽一邊工作, 原來真係好舒服架,成個人d壓力都好似放低晒一樣. 可能係我個人平時太過精神緊張, 唔會比自己停落黎, 一旦去到深夜, 成條街, 成橦大廈都黑麻麻, 無得四維行, 只好乖乖地坐定定做野.

加上反夜班人數唔多, 又無老闆係到, 甚少人行埋黎煩你.返工對住部腦不停打字, 間中停落黎時候, 會聽吓電台播緊咩歌,細嚼歌中詞,個feel真係好正.

以前唔明白, 好多人係煩惱時, 係唔開心時都會盡量收埋自己, 原來"靜"真係可以減壓, 可以比時間自己去反醒, 甚至去反思.

黎到呢一刻, 發覺一直自己都唔了解自己, 原來"清靜"既環境可以比我咁relax既感覺