網誌分類：蘇Q家庭 |
圖片
網誌日期：2009-08-13 15:15
HELLO各位親愛既朋友︰
話咁快我而家35週喇，眨下眼"牛奶糖"就嚟出世架喇，
暫時覺得陀bb既過程唔辛苦，行得、走得、瞓得、食得...
係開頭1~3個月唔係好舒服，但都唔算辛苦，起碼無嘔，
係覺得自己肥咗，動作慢咗咁囉，有時响屋企都會撞嚟撞去，
事關太肥喇，睇嘢既視線比個肚仔遮住咗，哈哈！
呢個月好多謝大家關心，我知大家都好掛住我架喇，
但由於本人做嗰間公司非常【煩】忙，得我一個人做哂全公司既嘢，
老細真係唔話得，比機會我學咁多嘢，大小事務都係我一個人做哂，
重點係無人教，下下都要我自己諗辦法、動腦筋、搵朋友幫手等等...
你地話喇，咁多機會學嘢既工去邊道搵吖！
放工返到屋企仲唔得閒，根本無乜時間online，
唔好以為我早瞓咗呀，其實我同平時一樣，12點幾先瞓，
唔好以為我有咗bb之後，唔洗做家務呀，一樣要做架！
老實講，大肚其實同正常人一樣，我唔洗人地就我，
當然擔擔抬抬，太粗重嗰d嘢我就做唔到啦。
其實人人平等，我最唔想自己比人寵壞，加上我要胎教，
所以我係唔可以懶，我要以身作則！
希望仔仔第時勤力、生性﹐做個有良好品德既人！
以下有幾張我既近照，超性感架，拍得住o靚模架，
請大家準備定紙巾，因住流鼻血呀！hahahahaha~~
【34週】
【33週】
靜脈曲張既右腳
（已經影得好靚，現場睇好恐怖!!!好似魔戒三部曲裡面既"咕佬"）
一雙腿比較下，左腳係無事既，淨係右腳好大問題啫！
部分血管已經變咗紫紫地色，突起既血管有些少痛，
似撞瘀既痛。其實右腳大脾喇、下外陰仲腫得勁，有血瘤，
大約好似花生咁大粒，不過知道呢d相唔出得街，所以....
無影到~hohohohoho
垃圾yahoo 問題多多, 廣告多多, 又無人處理, 所以此post 不可以回應 大家有心的, 可以去更好的sina blog 留言, 放......
開心果 2009-12-14 19:54
期待已久這首歌是Samuel的09年第2首原創主打歌曲，及有份參與填詞創作從心靈創作健康靈感及每個圖片都別具意思。
故事細說每人健康重要性，享受每天動感生活，渡過快樂一天，希望大家喜歡啦及比多D意見^^～
zachariaho 2009-12-08 16:36
若有人問你成功時會不會記得他 試問若你失敗時他會不會記得你
..................................................jaysondery 2009-12-01 11:44
冠中 2009-11-29 06:08
劉劉 2009-11-26 20:12
大肚能容，了卻人間多少事，滿腔歡喜，笑開天下古今愁。
..................................................糖果 2009-11-24 13:37
丫哩 2009-11-22 18:27
goldiej 2009-11-20 18:54
一點都不野蠻的女友 2009-11-18 08:13
生命所經歷的折磨愈多,其所產生的奮鬥力愈大
何師奶 2009-11-16 18:11
蘇Q，我嚟喇~ 唔好意思呀，之前miss 咗你段留言呢~ 近排我玩物喪志，玩facebook games玩到sort咗呢~ 所以決定少ｄ玩games呢~
係呢~ｂｂ而家已經有兩個月，有冇靚相睇呢~
祝你同ｂｂ身體健康，開開心心
Ah Sa = 梁太 2009-09-22 17:48
個肚好靚呀, 但點解隻腳咁嚴重既......同埋點解會有血瘤....
蘇Q2009-10-15 12:51
你要加油呀~~預祝你生產順利，bb健健康康 ！肥肥白白！
對腳因為bb壓住咗d血管，而血瘤我就唔知點解嚕，不過而家生完bb無咁嚴重，已經退咗少少，無咁現，血瘤就少咗同細粒咗
Helen媽 2009-09-11 18:51
Mandy 2009-08-24 23:17
馬交餅 2009-08-18 17:32
上次見你著住黑色裙時都唔覺原來個肚咁圓咁大.
你咁好胎教, 平時脾氣又好, 將來牛奶糖一定會以你為榜樣聽教聽話.
bb出世後真係要好好睇睇隻腳呀.
Dolphin 2009-08-14 15:02
嘩~ 靚太放d 咁噴血嘅相出嚟呀，haha~
希望你生產順順利利，母子平安~
放心啦，有個咁好嘅媽媽，牛奶糖一定會又乖又孝順~
彭氏大家庭 2009-08-14 13:55
你個肚仲係好靚呀...冇肚紋...very good!
FitHealth 2009-08-14 11:43
懷孕中期的胎兒，可以聽到外界的聲音，所以有人認為這時候可以開始進行胎教。
耹聽優雅的古典音樂、欣賞美麗的繪畫、照片，都是很好的胎教。此外，聽說孕婦對胎兒說話也是很好的胎教。此外，聽說孕婦對胎兒說話也是很好的胎教；不過效果究竟如何，還不太清楚。
世界聞名的音樂家未必都接受過胎教，而且有的國家根本沒有所謂「胎教」的觀念。但是準媽媽們只要一想到也許對孩子日後發揮才能有所幫助，大概還是寧可信其有吧。
目前巳經確認的是，四個月左右的胎兒會對媽媽的精神狀態有所反應，如果孕婦的心情輕鬆，胎兒就會很安祥；如果孕婦心情焦躁，胎兒也會不舒服。
很多準媽媽只注意到讓胎兒不舒服的「聲音」；而忽略了七個月大的胎兒也會對明暗有反應，所以對「光」也應多加注意。千萬不要以「胎教」的美名，看錄影帶看到三更半夜，也不要長時間暴露在大太陽底下。
海迪貓 2009-08-14 09:11
你係我見過最靚o既大肚婆~~ 終於見到你個肚o既真身，唔錯唔錯~
咁胎教o岩架喇，細路唔可以縱... 牛奶糖大個左一定好乖~
生完真係要快o的去睇醫生整整對腳呀！
海迪 2009-08-14 01:45
你真係好, 有份咁好嘅工...
你老細仲好, 竟然有員工公開幫佢講好說話....
牛奶糖第日一定好乖, 幫你做晒d家務呀!
仲會好好照顧你地!
放心!
喂, 靚女, 今次有冇記錯我係邊個先?
fan 2009-08-13 22:02
woo~就黎生得,加油呀!!!!
,有無茶妊娠紋個d藥膏呀?
你個肚個張好正
蘇Q2009-08-18 19:09
個肚正呢~嘻嘻~~裡面個bb仲正呀~~呵呵
我開頭都有搽妊娠紋膏既，不過實在太"粒"喇，
"粒"到生粒粒呀，搽咗幾次之後都無搽喇
生粒粒就搽蘆薈，大約兩日左右就好返架喇
vivian's chung 2009-08-13 18:15
蘇Q2009-08-18 19:04
yeah~~~
janice 2009-08-13 17:34
蘇Q2009-08-18 19:04
嘻嘻...想氹死人咩?!
我都好想生完之後好似kelly咁fit，，
不過我知我無可能囉，可以還原我已經好開心喇
希望蘇Q唔會變 肥Q啦
美樺姐 2009-08-13 17:26
你好..!你雙腳係靜脈曲張..你可以煲番薯糖水(多薑.小甜)..有助改善
還有唔好坐太耐或企太耐..就可以減少d
蘇Q2009-08-18 19:01
thank you~
多謝你既小貼士