倒模朱古力。第一回

自從上咗Johnny Sir嘅倒模朱古力堂之教，都一直好想喺屋企試整但係又一直冇時間或者冇材料做。

呢排見好多bloggers都整咗啲好靚嘅朱古力，我都終於的起心肝，今日去Eva度買齊材料，放咗工就開壇整朱古力。

第一次嘅功課都算成功。制作過程雖然有啲"哩hea" (例如支温度針跌咗落兜朱古力裡面、兩隻手都沾咗啲朱古力呀、啲餡唔夠呀)，但係喺"櫈"啲朱古力出模之後見到佢哋好乖咁跌落嚟，嗰個moment好有成功感，heehee

今次係第一次嘅功課，相信之後啲功課會再好啲仲要試吓自己煮餡先............

同場加影下面呢個出品，你估唔估到係セ呢?

佢外表雖然好似一嚿俾人食淨咗嘅蘋果芯，但係佢真正嘅身份係..........登登登登.....

迷你日式芝士餅

可能佢瘦得滯又高得滯，搞到企唔穩，所以個外表有啲古怪。但係我深信佢仍然有內在美我唔會厭棄你！