生產過程...淳一小朋友面世經過!

11月17日，今日，係我同老公結婚2周年! J

亦係阿B同我地一齊回歸的大日子!! Yeah

不過，回家比訓醫院累上百倍…因為醫院24小時運作，有少少不分日夜…變左係舒服好多，又有其他媽咪同你一齊餵人奶..容易好多去堅持! 回到家中少不免仍要做家務，又要湊b，又有日夜之分….真係好唔一樣呢

好啦! 襯而家大食阿b訓左覺，我記錄返生產過程先….唉~真係一d都唔簡單!

話說對上一篇blog係11月11日的凌晨4點幾寫…基本上之後我都一直痛無訓過~但係就一直唔見紅、唔穿水，所以我都覺得好奇怪….而很不幸，老公要返朝9晚11，係會足足一整天都唔會在家中，我決定一早襯老公返工時打的返媽咪度，以便有個照應!!同一時間我都sms我做產科醫生好朋友，問佢意見。

11月11日 上午10時多

我8點幾出門口，竟然截的士用左45分鐘!! 如果唔係痛，我一早行左返屋企都係30分鐘就上到阿媽度!! 我到左阿媽屋企，坐又唔係，訓又唔係，於是直接call個friend。命中註定我真係好好彩，我個friend竟然day off!!!!佢仲好到話打的黎我度，陪我入院! 無錯，就係入院…佢話我係陣痛，未咁快生，不過入左就安心d!!

11月11日 中午左右

我都唔記得幾多點，總之就入左醫院! 計返11月10日夜晚10點幾開始，我已經痛左14個小時……入院在收費大堂見到個大肚婆好恐怖，佢已經痛到面容扭曲，出唔到聲~(後尾先知佢應該係內地來港生子，在大堂時已經開到8度，嘩!!! 生得先黎醫院….老公話聽到d人講佢入黎15分鐘左右就生左)

上到大房，我訓低左，都係痛，不過因為在醫院，而且老公好友都在身邊，感覺安全好多! 哩個時間姑娘就黎同我量血壓、聽胎心…老公就申請同我換半私家的3人房~

11月11日  下午2時多

申請到半私家病房啦!! 醫院職員就推輪椅帶我上去~woo…3人房真係舒服好多。由於我有排都未生得，我個friend先回家休息，叫我一入產房，不論幾多點都一定一定要call佢!! 因為更幸運的，係我個friend11月12日返工返下午4點!!佢可以陪我!!...好感動……

11月11日 夜晚10時

哩個時間，我已經陣痛左24小時，基本上，個感覺係似經期痛，條腰痛，個人又唔係好行得，不過我仲傾到計仲識笑…..老公又陪住我…感覺好安全!

哩個時候，護士巡房..佢..佢叫我老公回家!! 因為事實上探病時間過左，我都唔可以太過份。但係哩一刻，我突然好驚，又覺得好無助….於是喊左出黎~我老公就同我講，入產房佢會飛的返黎…叫我乖………我只可以含住泡眼淚….叫我老公回家

11月12日 夜晚12點幾

姑娘其實在8點幾左右已經不時問我隔幾耐痛一次….每次又痛幾耐! 事實上我time左時間，都係5至10分鐘痛一次，每次都痛成40至50分鐘…..到左夜晚12點幾都係，而且更加規律地係5分鐘就痛50分鐘左右~姑娘話咁的頻率我應該就生，無可能會咁舒服~於是同我check開左幾多度! 檢查方法就係放手指入黎…結果係3隻~即係開左3度…姑娘話: 不如你去產房等生，無咁快，但係落去等啦!

哩一刻我個人開始好緊張，即時call我老公!! 由於我同老公交換左手提 (佢0個部可以touchscreen 上網…我拎黎解悶)，我唔識search我個friend打俾佢，不過，人已到產房，阿姐有點忟憎同我講: 你打左俾你老公囉…仲打咩姐….咁夜仲打俾屋企人..生左先啦!

阿姐叫我去小便先..我於是把握時間call我老公，叫佢call我個friend….之後出返黎……熄機! (真係好擔心，又好緊張，因為我唔可以再聯絡到我老公!!

11月12日 凌晨1時多

入產房，我見到張床，比想像中更加驚慌! 佢地搬我上去，我竟然全身都震，不由自主地震…真係好驚!!!!

其實..我仲未係好痛…意思係痛，不過係可以忍受的範圍之內。老公趕到了，佢話我個friend覺得我未咁快生得，要大約上午6時多先到~ok，無問題~加上有位姑娘好講得笑，我又好返dd

11月12日 凌晨3時多

姑娘開始問我有幾痛，佢地覺得唔係好對路..因為我雖然痛到開始要吸氣，但係度數不變! 因此，壞消息出現~就係我原來有排都未到生仔需要的10度﹐如果我等多幾個小時都係咁…就要吊藥加強及加快子宮收縮~…如果咁宮頸都唔開，就要開刀!! 我開始發現原來好大鑊!

姑娘又問我會唔會用無痛分娩，叫我好快d決定，因為麻醉師未必一定得閒! 而且再夜..對方會好眼訓………..!~我原本好抗拒無痛分娩…但越黎越痛的身體話我知，而家3度我都吸氣…..10度我想像唔到點捱! 於是…同老公商量後…..我要

11月12日凌晨5時多

麻醉師到左，佢開始同我插膠管!再一次，我震…因為其實個決定係臨時，而且，我真係好怕好怕!!

針插入背時其實唔係好痛…不過好奇怪就係如果個位少少唔準…我都大腿麻痺，要再修正個位。最後，ok! 插好了背~又真係….痛的感覺減了!! (期間姑娘

不時會拎冰袋黎check我的下肢知覺)

11月12日 早上7時多

痛! 好痛! 我又吸氣又打無痛分娩……都係唔得!! 同埋姑娘話我個bb有時好似聽唔到心跳..我一定要打側訓。我條腰已經痛到承受唔到……

最差係，我只開了4度! 終於我要吊藥了!

更絕望的是，姑娘好嚴肅同我講，

1.      如果吊左度數都唔開，要開刀

2.      無痛分娩只可以止下身痛，如果阿b頂開我宮頸原來係….止唔到

3.      如果吊藥係ok，我都需要等1小時開1度…即係..即係…..我要等6至7小時!!!!

之後無耐，姑娘黎睇我，我同姑娘講: 姑娘，我想….

未講完，已經嘔到成床都係! 其實我空左肚12小時以上，不過消化得好差，整到成床都係…幾個姑娘黎同我即時換床單…抹儀器…我就係咁講唔好意思….一路就用兜去嘔埋佢

11月12日 早上9時左右

痛楚已經升級，我已經死命地狂吸止痛氣，我老公都開始叫住我同我數吸….呼…吸…呼~不過我開始典..

11月12日 早上11時多

姑娘叫醫生睇我，都未夠度數，但係應該等多2至3小時可以到。哩個時間我已經係唔理自己背後有條喉插住左，係咁彈起再PANG一聲訓低~不停典….典到12點幾1點我就想喊…..好想喊….於是老公叫住我，姑娘又喝住我，叫我唔好

喊…留返D氣黎生，於是又忍住唔喊.不過口中就不停叫”好痛…好辛苦….”

11月12日 下午2點

開到10度….醫生姑娘問我要唔要自己生，叫我等到2點半..我死都唔肯~我話唔得啦..我要生~於是佢地即時同我轉SETTING，叫我試生。我而家先知生仔係要好大力…唔係訓床生…原來係撐開腳LOR起，腳側係有2支扶手，你係要用扶手吸大啖氣，拉起自己成個上半身，再烏前用力呼氣 (姑娘話好似大便一樣，好急的感覺。你一覺得急，就要即時吸氣，一鼓作氣咇個BB出黎。咇的時間唔可以有聲，唔可以唔…唔..或者呼…唔係就洩左道氣。

我試左半小時有多，都係得0個少少頭露左出黎，我開始無力~~於是決定用吸盤吸阿B出黎….仲要簽2個名….

當時太痛又太辛苦，我知有可能有副作用都要助產~結果十幾分鐘之後阿B出黎了!!

醫生話阿B原來係頭朝天(正常係頭向地)，位置好差，加上阿B都唔係細粒，所以我係好難生~~ANYWAY…淳一BB出生了!

P.S. 原來傳聞中剪0個下同埋聯針..真係唔痛~~因為之前甘好多~~