Blog 覽群英會 2009

先感謝所有 Blog 友，力記認識或不認識的朋友，在過去一年 (11/08 ~ 11/09) 曾光臨這個Blog，大家都係份量超班，當然不分男女老少、任何工作、生活階層、種族膚色、單身已婚、行坐跑跳、前後左右、上下中間啦 !

同時無論您係 …. 第一次嚟 ! 最後一次嚟 !

嚟過好多次 ! 時時都嚟 ! 間中會嚟 !

嚟吓又唔嚟 ! 唔嚟又再嚟 !

開心先嚟 ! 唔開心先嚟 !

得閒先至嚟 ! 好忙抽空都嚟 !

但您所留下的一言一語，都係力記嘅金石良言，都會銘記於心且歷久常新 ….

我愉快開心時，您來臨分享共渡快樂時 !

我失意傷痛時，您能在身旁鼓勵及扶持 !

自問不是博學多才，只是閒餘寫來舒發而已，今天能繼續寫這 Blog ，是您無限的支持及祝福，力記會繼續努力，望日後彼此能互勉，雖則這刻未能相見，盼望與您同渡毎一天至老到終年 ! 

後述 :

朋友不是常常在身邊，但會在遙遠他方守候着，等候一個呼喊或一句說話 !

今天 …. 能讓我向您說聲 :「朋友 ….  我的天使 …. 謝謝您啊 ! 」