回憶奶茶@石硤尾邨

本少有些少對唔住九龍 fans，一直都將焦點放喺港島區。今次本少去到少時成日幫襯，位於石硤尾邨的賓墟（唔知同電影名有無關係）

大家可能好少去石硤尾，對果區唔熟，而本少都有成十幾年無返去食嘢 lu。

仲記得細個果時放學都會食個茶餐先去玩或返屋企。咁多年黎都無搬到或結業，呢啲都算係香港碩果僅存的街坊生意。果日去到仲帶比本少好多回憶添。

大家仲記得「香港85」的快餐店嗎？佢就喺呢種「先買飛後攞嘢食」的街坊快餐店。依家茶餐廳就多，呢類快餐店應該買少見少。

當日我捉埋 L 先生去食，而我真係唔記得點叫嘢食。果日 L 先生叫咗雞肶沙律餐，食食吓阿姐拎咗一碟雞搥過黎。我地話無叫到。點知阿姐話比我地隻雞肶細咗啲，比隻搥補數喎。

你可能話呢啲街坊快餐店無 standard，但就夠在有人情味囉。而杯奶茶真係十年，或者喺廿年如一日，好夠茶味，同唔「鞋」囉。

本少好膽心呢啲街坊小店越來越少，因為重建後的屋邨實比領匯呢隻大笨象玩晒，只有連鎖食肆先可以生存，搞到啲屋邨商場好似 copy book 咁。

不過賓墟又真係唔爭氣，大餐牌上「香滑奶茶」竟然寫咗「奶菜」。