例牌的年初一 7/2/08

2月7日，鼠年到，大年初一例牌會做兩件事，日頭返老家吃蘿蔔榚，晚上與一眾親戚到酒樓同嫲嫲拜年。

由於早前太多太多野做，屋企好耐都無理過，於是，過年前來一次名符其實的大掃除，結果成功驅逐左十袋垃圾出境，逼爆了垃圾房。完成任務時已經係凌晨３點多．．．．．．．好慘！！

於是，年初一遲左起身，俾阿哥通緝回家，帶住爽仔在街上吹左半個鐘西北風先搭到的士，好彩新年流流，皇阿媽無因為我地遲到而大開殺戎，食完蘿蔔榚，打左一陣「跑馬仔」，貢獻左幾十皮，回家放低爽仔再到酒樓團拜。係家族入面我係尾二細個個，對上啲阿哥家姐好多都成家立室，所以，我付出少收入多，逗到既利是都好多嫁！！呵~呵~~~~~

就係咁，我地又過左一個例牌既年初一，雖然係例牌左啲，但係感覺好開心。