網誌分類：關於印度 |
圖片
網誌日期：2009-10-07 00:35
奇人奇事 I
因為中文能力有限, 唔知用奇人去形容我係Udaipur認識ge人正唔正確, 但我真心覺得佢地係好amazing ge人.
呢度會比較悶, 因為無咩相, 但我覺得簡直係我係Udaipur生活裏面ge精萃.
先講Ian. 我同佢唔係好熟, 不過真係超鍾意佢. 我甚至連一張佢ge相都無. 佢都係令到我係Udaipur唔捨得走ge人.
對 於Ian ge身份, 我地開頭都好迷惘. 第一, Ian唔係住dorm, 好少一齊玩. 第二, Ian係印度人樣但英文係native口音. 見到佢會點下頭打個招呼, 後來聽到其他人話Ian係美國人, 係Kolkatta出世但比人收養, 去左美國. 一路都覺得佢應該係一個精彩ge人物, 但又無咩膽量主動搭訕.
終 於, 係我臨走1個星期, 有機會同佢深入傾謁!!!! 話說Preeti (我地ge volunteer co-ordinator) 請我同Ian去佢屋企食飯. (請我係因為有野搵我幫手, 請Ian就因為Ian就快離開Udaipur) Preeti住距離Office成半個鐘ge residential area, 普通交通工具係唔會去, Ian有電單車, 就跟佢車去
Ian 係一個好好ge companion, 佢唔會令人覺得悶. (digress一下: 果程電單車超精彩, 一上車無耐就落勁大雨!!!!! 成程都要合埋眼 - 因為超大風大雨........... 其實係有D危險. Ian唔係真係印度人, 手車差減D, 不過我地都平安無事la.)
係 Office成日都見到Ian周圍走, 我仲以為佢係Seva Mandir好耐. 原來佢都係多我一個月咁大把, 而且, 佢D Hindi都唔係好得我好多. 但佢好熱心, 周圍搵野幫手, 又會係街度同當地人傾謁, 盡量花時間同本地人相處. (That's why佢咁少同其他volunteer玩) 好明顯佢好知道自己想做咩野! 咁當然佢同我地大部份人好唔同, 佢讀緊Social Work Master, 但之前以經做左幾年工作. 做事諗法同我地D"小朋友"係唔多一樣.
佢對我ge啟示係: 我地一路都覺得唔識Hindi就好多野做唔到, 好負面ge諗法. 佢都一樣唔識Hindi, 但佢會主動搵D可以做ge野. 所以其他人知道佢熱心, 又會搵佢幫手. 有時甚至不過係比佢跟埋一齊做野.
我有一刻真係好想唔去旅行, 留多2-3個星期, 睇多D Seva Mandir ge工作.
Ian
又帶我去見佢ge朋友Pamna. Pamna係一個Rickshaw driver. 佢同Ian07年己經識得!
今次Ian番去Udaipur就有搵佢, 成日去佢屋企, 同佢D小朋友玩. Pamna有3個小朋友: Firoz, Saheen,
Nauseen. 3個好精靈ge小朋友. (Ian都會成日去佢地個ge cleaning lady ge屋企, 帶佢3個小朋友周圍去,
等佢地有多D exposure, 同佢地傾謁, 等佢地知道多D其他地方ge事 - 最正係Ian做得黎係完全無架子.)
Pamna一家都算生活拮据, Ian幫左佢地都幾多. 係印度讀書係一定要讀Private School (Public
School係垃圾到唔垃圾, 就算連Village住ge人都唔會讀Public School.
當印度Volunteers知道我又細到大都係讀政府學校, 一副不解ge樣.) 3個小朋友讀書係好貴, Ian幫佢地搵到一間好學校, 好近屋企,
去埋實地visit, make sure所有野okay, 就幫佢地報名. Ian都會間唔中買下禮物比佢地.
但
我要強調佢唔係果種用錢黎買自我感覺良好ge朋友. Ian會透過相處ge時間, 希望對佢地都好ge影響. (其實佢地3個都好乖)
而且佢好關心佢成家人, 有一次Pamna太太病左, Ian就諗住帶D小朋友去街, 等佢可以休息下, 又會成日叫Pamna多D關心太太.
Pamna 唔識太多英文, 但佢2個又唔知點解溝通完全無問題! 一D Hindi一D英文, 我睇住都覺得好amazing! Ian會間唔中帶其他Volunteers去Pamna屋企, 佢會覺得呢D先至係Volunteers黎印度應該要睇ge野. (佢ge attitude真係無問題, 無當Pamna一家係exhibition咁比人睇. Pamna一家人都真係當Ian係屋企人!)
我 覺得自己好幸運, 臨走前可以識到佢地. 因為呢一面ge印度, 比農村更有興趣認識. 始終我係一個城市人. 如果可以睇到, 然後有任何大小方法, 幫到另一D住係城市但無social mobility ge人, 可以好似我咁有多D機會, 我ge passion會大過做rural work .
