休閒中的大風波--第1次的勇敢

今天本來我上司放大假的第一天

但真係唔係咁想佢呢個時候放

因為我手頭上好多野做

要從新整理過去一年來自己造成的各種錯誤

手上好多資料都因為自己從未做過

新仔一個

形成錯漏百出

咁岩上個月尾開始公司需要我手上的大批資料

我搞左大半個月都在進行中

心身疲倦了

本身上司今天放假我可以閒閒的做

但過唔到自己個關啦~

想快快的做好曬~

不過．．．．．．

今日．．點解咁大獲架

公司發生火警啦啦啦

天呀～唔係化～

咁大獲

我剛好係前台做野，突然秘書妹妹勁跑出黎話經理房出面燒著野

．．好突然跟著入去睇

行到入去～經理同年紀大少少ｇｅ同事就話大隻ｄ男仔快拿滅火筒．．．去救火

，，我拿起個滅火筒．．．左搞右搞．．．呆左企係到

心諗：我唔識用呀．．．點好呢，死啦好大煙

最後有個同事比我早入去．．．好帥呀

佢其實一聽到火捉，就跑入去，隨手拿了走廊的滅火筒

當我想呆企之際佢已經全身白曬咁出黎～

真係好想睇佢個英姿

入面ｄ同事都紛紛出黎，話剛剛火燒到成１米高～起嚇人

我即時都放下不會用滅火筒，衝入去濃煙的地方，把窗口打開

再叫人拿掃把～地拖～

大煙到睇５到野呀入面！！

無幾耐煙就開始散～

快快拿掃把入去睇，

原來有個同事叉電話電～因把叉電放係大量紙入面～散熱不好～

搞到短路，燒著ｄ紙～

我同幾個同事都快快把紙整開～才發現～好多紙都仲燒緊～

喳喳啉叫人拿水來～超驚漏電～不過個同事話矛事ｇｅ～

搞到成身都白曬（滅火劑～好勁～噴完原來仲有好多浮在空中搞到都成身白曬）

個同事真搞野～大部份員工ｄ合約都燒得～爛熔熔

今日本來休閒的上班，變了＝３＝超混亂的一天

救完火，仲要即刻繼續做埋手頭上ｇｅ野

喔～～

如果係以前的我～一定超驚～呢埋一邊～等勇ｄ　ｇｅ同事去救火～

今日大煙時入去唔小心吸左幾口濃煙～

本身自己有鼻炎～鼻敏感～氣管炎～

咁吸一吸，氣管辛苦左大半天～勁想咳又咳唔出～的感覺，辛苦呢～

不過今日真係估唔到自己咁勇～

覺得自己好ｍａｎ～肯去救火～

哈哈