BLOG 主頁｜ 服務中心｜ 雅虎香港
      唔好搞亂我 D 野 ... 賣廣告 1 律黑名單 ...
      留言

      自定欄位 1

      編輯 關閉

      ~ 獻給親愛嘅廣告朋友們 ~

      真唔明點解 D 仆街成日向人地 D blog 度賣廣告、sell 3 級網站、叫人投票等，真係 work 架咩?!

      我都好得閒架，先入黑名單，後粗口回敬，兼再 delete，夠 pop 就開另 1 個 id 再賣過，多多都陪你玩，希望閣下留言 1 分中都賣到廣告 ... 可知道我係幾咁愛你地架 ~

      自定欄位 2

      編輯 關閉

      GNC 絕密檔案

      估唔到我會 + 入呢個行列 ~ GNC Burn 60 & CLA 購買經過

      GNC Burn 60 & CLA report (Simply Version) ~（終 ~ URL 已 block）13/8 開始，此為公開簡易版，亦有隱藏完全版（詳盡報告及最後 1 星期終極照）...

      網誌清單

      編輯 關閉
      網誌 我的網誌內容搜尋：
      引用 檢舉

      抬住塊牛扒嘅金色雀仔?!

      網誌分類：鍾意食乜 |
      圖片
      網誌日期：2009-12-10 12:40

      呢度咪係《花樣年華》《2046》其中 1 個拍攝場地囉 ... 本小姐第 1 次來咋，學下王靖雯同周慕雲鋸番個聖誕扒先!!!

      • 餐湯：雞絲忌廉湯 + 羅宋湯 ~ 羅宋湯超多紅蘿白同椰菜，有牛肉添，起碼有菜食下，全肉好辛苦架，而雞絲忌廉湯有脆脆麵包粒，雞乜鬼絲 ... 其實係雞肉碎，望落 ma ma 地，味道就唔知

      • 西冷牛扒（朋友）$95 ~ 6 成，BBQ 汁，碟上，真係好鬼大塊，長過手板，雖然話係 6 成，但似 7-8 成，切開無見紅，肉質咬落較實，牛肉味不太濃，落單前問過阿姐意見先決定（實物同阿姐講 1 樣），始終碟唔及鐵板，感覺爭少少，不過炸番茄又幾新喎，同埋個汁 + 堆磨菇片淋上塊扒後成個觀感 fit 哂

      • 美國安格斯肉眼扒（本小姐）$140 ~ 落單阿姐話好美味架，6 成，超多黑椒汁，熱辣辣鐵板上 perfect，眼見塊扒兜住哂 D 汁就知我呢份仲大，大家都係 6 成，但切開個心仲見到嫩肉得黎無血水，肉質較林且牛肉味濃 D，激中意呢種口感，阿姐果然無介紹錯 ... good3

      • 紅酒 @$40 ~ 開頭未 breath 夠有 . 酸，稍後食 D 肉再飲就覺得 OK，只係靚紅酒唔會向呢度飲到，no comment

      • 餐飲：熱檸水 ~ 太飽，只飲幾啖

      全單 $346.5 @ 金雀餐廳 ~ 銅鑼灣蘭芳道 13-15 號地下

      後話：呢餐的確比扒王豬王、花園餐廳、第尾牛扒等為好，ah 路人甲乙丙丁睇呢篇 blog 時唔好媽媽叉叉話我呢條友根本唔識食 ... 未食過好野咁，我知道你真識食 ... 要食高檔次牛扒的話無人諗黎呢度囉，白痴嘅人先會用上等牛黎比較姐，況且就算和牛都有優劣之分，公平 D，貴又要試平又要試 ... anyway 至在玩下懷舊姐

      引用(0)
      網誌標籤：一個人住, 西冷, 安格斯, 肉眼, 牛扒, 金雀餐廳, 銅鑼灣, 蘭芳道, 2046, 花樣年華
      共17個回應
      • 檢舉

        和勇 2009-12-11 20:40

        happy to read~ thank you!　　　　　　　　　　　　　　　　　　　　　　　　　　　....................................................................................................
      • 檢舉

        黑闇女魔皇 2009-12-11 18:05


        yo~岩岩好~收工~
        嘩哈哈哈哈哈哈
        檢舉

        そら2009-12-11 18:07

        我都係 ... 1 齊 la ... 樓下等 ~
      • 檢舉

        黑闇女魔皇 2009-12-11 17:59

        岩哂~阻住你食~
        食得咁開心呀拿~
        檢舉

        そら2009-12-11 18:02

        你條死 8 婆 ... 5 行欠丙定 ...
      • 檢舉

        黑闇女魔皇 2009-12-11 17:52

        嬰兒煲
        檢舉

        そら2009-12-11 17:53

        作屎 ... 仲講?!

        我食緊雞翼呀 ~

      • 檢舉

        黑闇女魔皇 2009-12-11 17:14

        如果系大陸殺人唔駛鎗斃..
        我一早就幹掉佢...
        睇見d貓狗系個咁細既籠...睇見都心痛...
        如果有人劏左佢d仔呀女呀孫呀黎食唔知會點呢?
        檢舉

        そら2009-12-11 17:40

        大陸人係咁無人性架 la ... 仲要話係背脊向天都食得 ... 真係天收!!!

         

        係殺就殺佢地 D 仔 la ~

      • 檢舉

        黑闇女魔皇 2009-12-11 17:02

        細個果時返大陸....
        見到d人劏貓狗...差d想衝埋去質佢個頭落去d滾水度...
        檢舉

        そら2009-12-11 17:11

        我老豆前果日先講番起 ... 佢細個時向鄉下，叔公買左隻剛剛出世嘅狗仔俾佢玩，養到約大半年已經好大隻，行出行入都跟住我老豆 ...

        有 1 日叔公帶左 D 同事返去，駛老豆去買豉油，返到屋企竟然劏左隻狗，喊到佢屎屎下，嬲左叔公好耐！

        雖然叔公人已屎，但都覺得佢好抵屎 ... 不嬲唔中意佢 ...

      • 檢舉

        黑闇女魔皇 2009-12-11 16:53

        我細個果時真係乜x野都食架
        除左蟲...苦瓜同豆
        自從見過d牛bear住我...同埋去完流浪牛之家之後就小心左食野...
        檢舉

        そら2009-12-11 16:58

        蟲果 D 我都頂唔順，野味宴都唔好搞，仲有嬰兒湯 ... 見到相都驚!!!

        諗起 D 相家下有 D 飽飽地 ...

      • 檢舉

        黑闇女魔皇 2009-12-11 16:38

        我有一次唔覺意睇左一個劏動物片...
        睇左一陣咋...
        嚇到差唔多成個月冇食肉...
        檢舉

        そら2009-12-11 16:50

        會架 ... 我都聽過動物果 D 被殺嘅叫聲，好深刻！

         

        好耐之前，我地養左隻龜，老豆見佢 D 指甲好長，就幫佢剪下，過程我全部睇住，見佢剪左 2 野 ... 隻龜都擘大口（無叫聲），好似痛咁，咪放番落佢個豪宅度，點知隔 1 陣見佢成手血，反轉黎睇原來 D 指甲係連住 D 肉架，果 1 刻立即知道發生咩事，覺得對佢唔住，有 . 眼濕濕，再同老豆講番，佢以後都唔掂佢，之後阿龜先生已經魂歸天國 lu ~

         

        真係有影響架 ...

      • 檢舉

        黑闇女魔皇 2009-12-11 16:32

        我細個果時都係...
        大左之後見到d牛望住我...好似好慘咁
        咁就冇再食lu...
        檢舉

        そら2009-12-11 16:35

        當你見到 D 人劏任何生物嘅時候，生物嘅樣同叫聲，真係當堂唔開胃，所以我都係眼不見為乾淨！
      • 檢舉

        笨小孩... 2009-12-11 16:28

        嗯．．．其實呢間都ok架喎!

        不過入去前就唔知佢係拍過戲,只係久不久都見到有一家大細係門口等位..所以好奇去try..

        味道真係唔同d既.. 那些" uncle 侍應 "都係.. 好有性格既.. 喜歡就講多兩句.. 唔喜歡就 眼尾都當見你唔到.. kakakak.

        好funny.. .

        檢舉

        そら2009-12-11 16:42

        其實果條街都係第 1 次入咋，通常行白沙道，入面同出面簡直 2 個世界！

         

        我中意 D 扒嘅份量，俾左咁多 $ 要有番咁上下野俾人食至得嘛，同我地落單個阿姐又 nice，問佢意見係咁就咁，無誇大，1 定會翻兜 ~

      • 檢舉

        黑闇女魔皇 2009-12-11 16:05

        我對D血淋淋既野冇乜反應...~
        好似食牛刺身咁~
        檢舉

        そら2009-12-11 16:26

        咁我都唔怕血，但又諗過 3 成喎，不過牛刺身邊有血姐，太中意食牛 la，無牛我會屎架!!!
      • 檢舉

        阿惠 2009-12-11 15:56

         

        你鍾意懷舊feel, 你一定好念舊架喇!

        檢舉

        そら2009-12-11 15:59

        比你講講下 ... 諗番都係架喎 ...

        不過物件比較多，而人呢就要睇下對方對我好唔好 la，唔好嘅唔好話人連送嘅野都無得留低呀！

      • 檢舉

        黑闇女魔皇 2009-12-11 13:25

        唔係講笑..我細個曾經住果頭...我媽成日帶我去食~
        真係超好食...
        不過自從我唔食牛之後就好耐冇去...
        我記得我細個果時成日想挑戰3成牛...不過俾我媽反對...
        佢話咁細個食咩3成呀...5成得啦....

        麻油蘇成日都誇大其詞架啦...初初系有線都算正常...
        一去左無記就痴左線...
        檢舉

        そら2009-12-11 15:57

        以前細個無得鋸扒架喎，你就好 la ...

        3 成牛?! 我頂龍 5 成，刺身除外 ~

        相比之下係好過其他，搞到我家下好想又食

         

        果茄屎忽 so，最憎聽到佢賣百佳個廣告把聲 ... 舊屎向有線都好地地，過左無線咪囂屎囉，以為真係有好多人 buy 佢，D C9 就係，年紀有番咁上下嘛，老豆同我 1 樣見到佢就憎，立即轉台!!!

      • 檢舉

        SaNtABo 2009-12-11 10:57

        家陣仲使唔使排隊等位？好早排係差咗d...﹙經蘇x黃介紹之後超多人去食，搞到質素差哂﹚

        所以好憎去有名人介紹過既地方，好都會變唔好……

        檢舉

        そら2009-12-11 11:23

        好憎果條咁嘅蘇x黃，覺得佢唔係真係識食囉，信 1 乘都屎，踩人鬧人就叻，亦唔知呢間野佢有介紹過，通常見到佢都轉台！

        我只會係想試就試，唔理人，好食就繼續，唔好食無下次 ...

        前日星期 3 之嘛，差唔多 7 點到都唔駛排隊，食完埋單間野都唔 full，咁講真 ... 野食同份量比同類餐廳係好，最好梗係未輪到佢 la，我第 1 次去唔知同以前有乜分別，不過貪佢有其他野睇下 ...

      • 檢舉

        A/T 2009-12-10 23:34

        嘩~~~真係識食呀~食個$140 o既~~始終都係1分$1分貨~
        檢舉

        そら2009-12-11 09:42

        梗係 ... 橫掂都係食，揀個貴嘅囉，食左至算

        我問阿姐點解美國肉眼貴紐西蘭肉眼 $30，同你答案 1 樣 ... 梗係貴 D 好味 D la ~

        真係幾好味，份量唔會好似扒王豬王咁鬼屎細 ... 上菜次序亂鬼哂龍!!!

      • 檢舉

        Zevia 2009-12-10 23:04

        咁有冇扮花樣年華咁影d造型照呀？激好feel！
        檢舉

        そら2009-12-11 09:15

        果度任影唔嬲，你影佢仲開心！

        無著旗袍唔似造型照喎 ... 不過真係幾好 feel，阿姐服務又好，又笑笑口，地方有人但唔會高談闊論，總之入面同出面係 2 個世界 ~

      • 檢舉

        4 's~ 2009-12-10 12:54

        金雀真係好正,我好耐無去食過啦,以前成日同D朋友去,個羅宋湯超正架

        檢舉

        そら2009-12-10 12:58

        我平時好少飲羅宋湯架，D 食評話勁多料，果真係超多菜，平衡下唔好食咁多肉！

         

        諗起都想再去食呀 ...

      新增回應

      月曆

      編輯 關閉
      <
      2009
      >
      <
      Dec
      >
      S M T W T F S
        1 2 3 4 5
      6 7 8 9 10 11 12
      13 14 15 16 17 18 19
      20 21 22 23 24 25 26
      27 28 29 30 31  

      網誌分類

      編輯 關閉

      網誌分類

      最新網誌

      編輯 關閉

      最新網誌

      最新回應

      編輯 關閉

      最新回應

      檢視所有回應

      統計資料

      編輯 關閉

      統計資料

      • 昨日人次：52
      • 累積人次：32061
      • 今日瀏覽：15
      • 累積瀏覽：95509
      • 網誌：84
      • 圖片：0
      • 回應：2341

      更新日期

      編輯 關閉

      更新日期

      2009-12-11 09:54
       

      R H
      G S
      B V

      #