我高清左啦~~

俾啫哩 "lur" 左好耐  , 終於都應承左俾佢買部高清電視啦  . 由舊年開始租樓, 佢已經話要換左部電視. 但係因為屋主包的電視仲睇得, 我見冇理由咁嘥錢, 一路都唔俾佢換.

hehe, 咁佢就只有成日四圍睇, 四圍聞下d電視囉.....

唔同時間, 佢睇中的電視都唔同喎, 仲要越睇越貴  . 真係激鬼死我, 佢話有新 model 就緊係要買新 model 喎.... 

最近細路都買左部高清電視, 發覺畫面真係靚好多  . 佢仲買埋個 PS3 睇 blue-ray, 引到啫哩口水都流到落地下  . 我見屋企個電視每次開都要等成十分鐘個畫面先會清, d高清電視都出得差唔多時間, 最後都應承俾佢買左部番返屋企啦.

我地揀中呢部 Sony 40' , model 係 "BRAVIA W400 系列 - KLV-40W400A", 真係幾靚o既. 不過啫哩唔想咁快落實, 話晒都過萬嘛. 所以好攪笑地, 我地兩個o個日同一間鋪頭行左三轉先決定買, 我諗個 sales 都俾我地笑死  .  點解會行咁多轉? 因為我地估都估唔到而家買, 送的野仲少過幾個禮拜前喎, 同一間舖頭, 同一個 model, 前後差左 1000蚊超市 coupon  . 個 sales 話佢都係岩岩收到 SONY 通知會送少 1000 蚊呢. 初初我地都係諗住上去睇下先, 點知見到咁, 諗黎諗去  , 為免佢又再 cut 贈品, 最後, 我地都係買左啦.

個電視又真係幾靚o既, 而家買左番屋企, 加埋個 set-top box, 咁就完完全全高清左啦. 不過....我地今個月的家庭基金就因為呢部電視變左負資產.....

買呢d高科技產品, 真係要四圍格價  , 原來樓上舖同地面d名舖頭真係差好遠喎, 我地而家買呢部電視, 比街舖足足平左二千幾蚊呀!!!!!! 而樓上舖都係安排行送, 所以唔怕佢係水貨. 大家要買的話都記得要行多幾間舖頭格價呀!!