鳳凰徑7-8段

星期日, 又可以行山了. 這日行程較遠, 逆走鳳凰徑7-8段, 全長16公里. 

石壁水塘>>狗嶺涌>>分流>>二澳>>大澳.

早上七時就起床.準備好午餐, 就去會合男友吃個早餐, 再出發.乘港鐵入東涌, 再轉巴士至石壁水塘. 到起步點已過了九時半. 可天陰陰, 感覺行山是不錯的!

頭一段由石壁水塘至狗嶺涌5.5公里, 是悶人的引水渠道. 直至去到狗嶺涌, 風景怡人, 又是泥土, 石頭 所堆砌的山路, 感覺才像是在行山. 加上四周景色. 當然感受到行山之樂也! 在狗嶺涌營地我們先兜去嶼南界碑, 及後再落埋狗嶺涌營地, 那裡是一個寧靜既海灘, D 沙又白又幼. 我又玩起拾貝殼. 順便HEA下, 吃下午餐. 

之後出發往分流. 去到分流知道前段花了太多時間, 後段仍是漫漫長路, 沒有再插入分流炮台, 沿鳳凰徑走至分流村. 村中士多有在營業, 可由狗嶺涌營地走來, 還不太辛苦, 沒有稍息. 續經煎魚灣營地往二澳,  二澳已成癈村, 可因私人業權所限, 該路段沒人打理, 路窄又雜草叢生, 稍為增加了行程難度, 必需緩慢前行.

出了二澳癈村, 前路己是新起的石屎路.沿著海邊通往大澳. 沿途風光明媚, 蝶影處處. 只可惜被一條蛇吓著了. 灰黑色 (男友估計是飯產頭.), 我本來一路影緊D蝴蝶, 佢係我前面路段爬出, 我吓得大叫令佢退了一下, 我都是即時走佬. 行後面的男友仲係度望佢. 佢己回神係度張牙舞爪. 呢鍋男友都唔同佢玩. 冇攝佢啦. 唉, 近幾次都係我見到D蛇先. 次次都吓親我. 點解香港D蛇唔冬眠架!

到大澳時己是日落時分. 本來我們該瘋狂拍日落. 可這一天天上煙霞太多. 知道太陽下山後沒有晚霞. 又見大澳囿處都是影友, 估計太陽一下山D人即散會有排等車. 我哋影到太陽快落完時離開, 剛好不用等車.

沿途風景

32KM到澳門, 是啊, 電話都漫遊咗去澳門啦. 身處於大嶼山, 原來香港比澳門還遙遠噃!

紅葉滿途

這一天沿途發現好幾棵楓香. 只是葉子還不是紅色的.

蝴蝶

一開始就遇上樹菇了.

大澳

大澳舊塭田的水光山色

石澳日落

行完鳳凰徑, 來個鳳凰觀日啦!

托日神功?

晚餐 + 宵夜

柯打3個菜, 只來了2個. 惟有再去吃埋甜品啦!