Long time no see........

唉........都唔知點解，我o地square每次有野做都會落大雨既...今次重要打風tim...

我o地每一次拍都會落雨o既，重有一次係黑雨！今次當大家彩排好曬準備為太陽計劃係香港運動場做表演，點知又打風，攪到表演做唔成，我o地成班歌手DJ們重特登為o左個表演排o左隻舞，可惜表演唔到，依家重好似話成個表演會取消tim呀！唉........點解今年特別多雨落架！

今日我o地去o左理工大學o既校花校草選舉做表演家賓，我起初以為果D學生o既表演會係出泥唱下歌呀......做下畫劇呀咁樣架！我真係估唔到依家D學生已經咁叻！勁歌熱舞、樂器表演自彈自唱，而且表演o既道具，服裝、全部都一絲不拘，可以睇得出佢o地係花o左好多心思！雖然我o地只係睇o左少少，但係印象最深o既係有個女仔係身後帶著一對道具翅膀，出到台中心跳著一D奇怪的舞步配合一D眼鏡、氣球o既道具引大家笑！雖然佢o既表演趣味性遠高於佢o既技巧！但我睇到佢係台中心表演時候o既自信，佢就好似認定自己係場內所有觀眾o既焦點。最後佢亦都成功令到台下面所有觀眾都係度捧腹大笑，咁表示佢o既表演達到o左目的而且仲好成功！我真係估唔到一個咁o既表演會出現係一個十六歲o既妹妹身上！可惜我o地早走唔知道比賽o既結果！

James在我們表演之前自己偷偷地躲起來食西瓜給我撞破了..